اليوم فتحت محفظة في تل ابيب
صراحة خفت بعد ما اعطوني اسم المحفظة و قالوا لي ادخل الرقم السري
ترددت
حسيت بخوف وانا كنت جايهم مستعد ورامي الخوف في الخرخير
ناظروا في وقالوا وش فيك ؟
قلت الصراحة أنا خايف منكم ،، انتم يهود !!!!
ضحكوا وقالوا : تبغى اليهود شفهم وراك ، ما جيتنا وانت تقدر تصبر
وبعدين ترى يهودك ما فكونا من شرهم ، في الصيفية يروحون للندن وجنيف ولبنان
ويقابلون صناع السوق عندنا ويعلمونهم أساليب ما ندري من وين تعلموها ،، ابليس
نفسه ما تطري عليه اساليبهم !!!
قلت لهم يعني ربعنا سبقوني عندكم ،،، يعني ما فيه منهم سلامة
قالوا : لا ،، ماعليك منهم ،، عندنا اي واحد يرفع اذنه ويلعب بذيله ، نقطع ذيلة ونمسكه باذنه ونرميه برا السوق وعمره ما عاد يدخل ، ولو حاول احد يدخله السوق رميناهم الاثنين
قلت البنوك ووش وضعها !!
قالوا : اي بنك يخسرك بعد يومين ترجع لك خسارتك !!
قلت : عندكم فرع للراجحي !!! <<< خارش قلبه ذا البنك
قالوا : انت خايف من الراجحي بس ،،، ليش ما انت خايف من الأهلي !!!
قلت بدون شعور : عمى وش عرفكم ببنك الأهلي !!!
قالوا : هذا كبيرهم الذي علمهم السحر
قلت لهم : توني اعرف انكم مثقفين وهذا يطمني
قلت طيب والعمولة حقت البنك ،،
قالوا : ابد البنك ياخذ مبلغ عند فتح المحفظة عبارة عن نسبة من المبلغ المودع لا يتجاوز 3 % من المبلغ المودع ، وانت برطع في المحفظة على كيفك
قلت وانا اضحك : برطع هذي ما هيب مصرية ؟!!
قالوا : انت ذكي لكن حنا غير ربعك كلهم
قلت طيب متى ينزل السوق ؟؟
ضحكوا كلهم وقالوا هذا اللي ذابحكم ، انتم وسوقكم اللي كنت راكب الصحن الدوار
سوقنا ينزل حسب التحليل الفني فقط ،، ولو تجاوز المؤشرات الفنية ، قفلنا السوق وفي غضون ساعة عرفنا السبب ويا ويله من يكون متسبب في هذه المخالفة
ويتم الغاء الصفقات مثار الشك !!
قلت قيه أحد عندكم فيه شامة ؟؟!! تحت الشنب أو حول الخشم
قالوا : لا
و الارباح تراها غير طبيعية ، ولا يهمك ،، حرب ،،سلم ،، السوق في معزل عن الاحداث السياسية والاقليمية
قلت اجل توكلنا على الله ، ما عندكم يهود
رد مع اقتباس
المشاركة الأصلية كتبت بواسطة الرجل الأبيض المتوسط
