[poem=font="Simplified Arabic,7,white,bold,normal" bkcolor="black" bkimage="" border="outset,4,gray" type=2 line=0 align=center use=ex num="0,black"]
( والله لو انك تقبلين النصيحه )
والله لو انك تقبلين النصيحه=لا اصير لك مثل المطر عذب وزلال
لكنك انتي لا نصحتي فضيحه=هجتي ومجتي وانتخيتي بعذال
تري الركاده تنفعك يا مليحه=ترفع مقامك فوق وتزيدك اجلال
بنت الرجل ماهي سواة الذبيحه=مصيرها ما بين شاري ودلال
بنت الرجل تصبر ولو هي جريحه=مخافة يقال المره صابه هبال
وبنت الرجل لو تعرف انه فصيحه=تقصر بصوته لاجت بمجلس رجال
وبنت الرجل له ريحتن غير ريحه= ريح النفل لا داعبه وبل همال
البنت لاطاحت حكوا في مطيحه=اما الرجل يستر على عيبه المال
العقل زين ويجعلك مستريحه=والصمت يسموا بك عن القيل والقال
انا ادري انك ما تبين النصيحه=لكني اسديته على كل ابو حال[/poem]