سلام عليكم بنات
شخباركم ?
بدخل لكم في الموضوع على طول
المشكلة مو مشكلتي بس نفسي اساعد زميلتي بالدوام
مادري هل لي حق من باب الامر بالمعروف و النهي عن المنكر او لا
السالفة و مافيها ان وياي بنية بالدوام عمرها 39 سنة مو متزوجة اهيا خلوقة و مؤدبة ومحتشمة و جامعية و ملتزمة بس ماصار لها نصيب في الزواج
انا من اول مااشتغلت لاحظت عليها ان اذا يدق عليها رقم معين تتكلم بشويش عشان مااسمع
مع الايام تمت تتكلم عادي جدامي بس مع واحد يعني سوالف عادية بس ان ينعرف مو من اهلها
لان اذا يدقون عليها اهلها تنعرف من السوالف ان واحد من اهلها اخوها او عيال اختها او جذي فالبنية شكلها امنت حقي وصارت تتكلم صوبي
لان انا مااسالها من وتكلمين من وعندج علاقة او شي فصارت تتكلم عادي يمكن عبالها ان افكر احد من الاهل
شكيت ان الريال اللي تكلمه متزوج لان مايتصل لها الا اوقات الدوام من الصبح لظهر وايام الويك اند مايدق عليها
طبعا انا عرفت ان ما يتصل لها الا هالحزة من كلامها بالتلفون
و انا حاولت اجوف قمت اتكلم عن ريايل متزوجين يكلمون بنات وجذي اهيا ويها ينصفق وتسكت
هالايام اجوفها تقوم تطلع برا المكتب و تتكلم على عدال
انا خايفة عليها لانها بنية زينة ويمكن اي ريال يقص عليها لانها بهالعمر ماتزوجت
و اهي محتاجة حب و حنان و اهتمام فيمكن لجأت لهطريقة عن ولاشي
استحي اكلمها بالموضوع و احس روحي مالي حق و فوق كل هذا الفرق بينا وايد انا 22 واهيا 39 فوايد فرق و احس عيب
فمو هاينة عليي كلش اخاف يقص عليها او يلعب براسها وحتى لو ماقص عليها بس مو حلوة
شتجوفون اسكت و اتغضى و اتكلم ولا انصحها والا شلون ؟ :eh_s(1):