هذي سالفة مرق الاولين اةةةةةة يالاولين كانت مرقتهم لها لذة وشهوة حشى متمرقها اخر الليل
كانت امي تتربع في المطبخ وهات يا تقطيع البديجان الى متنفخ تقول خزيزات بزر ولد نعمة والكوسة الى من زينها كنها طروووح .والقرع عاد ياعيني على القرع من صفارة وريحتة تقول جراوة السلمية .
والباميا الى تذوب في فمك وتزرطها من دون ماتنشب في لهاتك .والفلفل الحمر حق نعجان من زينة اذا تفقع في القدر تقول غجر وتغدي المرقة كلها حمراء.والبطاطس اممممممممممم من زينة تقول فقع زبيدي
ملاحظة :كلمة فقع محظورة واستخدمت هنا للتعبير المجازي ....
ويوم قامت امي وركبت القدر على النار قامت المرقة تطبخ والغطاء ماغير يرتفع وينزل تقول واحد جالس في حمام سونا ماغير كل شوي يطلع راسة يشم هواء ... قلت يمة متي مرقتس بتخلص قالت يا شرقاوي بعد خمس دقايق يعني انقز للخباز واجيب بريالين خبز قالت فريرة يا شرقاوي والقط الفوطة من على النملية واجيك طاير للخباز واعود الا امي ناسبة مرقتها في ذيك البوادي المتعفطة والى مرسوم في وسطها وردة حمراء .. ونقوم ونفرش سفرتنا الخوص في بطن الحوى واديها تمرق انا واخوي الا يوم طاحت عيني على بيدجانة وانا الى الوى الخبزة والقطها من يد اخوي ..المهم مادريت الا كل شوي المرقة تنقص وش السالفة الا شيلة امي طايح طرفها في البادية واقوم وانا اخوي وكل واحد يمسك جهة ونعصرها مرة ثانية في البادية من زين فيها ...
الا امي تصيح ترا مرقت ابوك في القدر لاحد يجيها وانا اقول في خاطري اااااهين وانقر والتحها الا يوم جاء ابوي بمحفرتة ورجلية متفلحة من المشق ومتجمع فيها الخوص والليف حق النخل الا يوم فتح القدر ...
الا انا كاتب لة بقرعة قيم اوفر يالشايب ؟؟؟؟
الخلاصة : زمان كانت المرقة لها طعم وريحة تصقع في الراس مدري اهى من الخضرة والا من تزين ذا العجز اللة يخليهم لنا .. اما ذا الجيل التالي راعي البرقر مرقتهم مالها طعم ولا خنة مدري اهم مايعرفون يزينونها والا من الخضرة الى كلها كيماوي .
ابى ردودكم وتعليقاتكم حول الموضوع البسيط هذا ..........
رد مع اقتباس
