طاروق خفيف .. و الطارف سداد !

[برج المملكه]

السلام عليكم

طاروق خفيف واللي يحيّيكم

[poem=font="Simplified Arabic,4,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
سلام رديّة ٍ تجرح كبود الرخوم=والا الرجال الكرام اتداوي اكبودها
بيني و بين الليالي و القمر و النجوم=علاقة ٍ ماتجود الا بماجودها[/poem]

[مرزوق الغنامي]

وعليكم السلام

استلم يابرج و لي الشرف

[poem=font="Simplified Arabic,5,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
يامرحبا ياهلا تبهج صدور القروم=والا الرخوم الرخوم اتبيّح اسدودها
يابرج عطنا علومك كان عندك علوم=كلمتك مانيب عارف ويش مقصودها[/poem]

[عبدالله السميري]

ياسلام طاروق ينشد
وتراني في صف مرزوق لاغب الله علاكم هههههههههه

[نجاء بن محمد الجبيري]

سلام رديّة ٍ تجرح كبـود الرخـوم
.................................والا الرجال الكرام اتداوي اكبودهـا
بيني و بين الليالي و القمر و النجوم
..............................علاقـة ٍ ماتجـود الا بماجـودهـا


هذا الكلام اللي يصحي من النوم



في صفك يا برج المملكهولا مهونه للغنامي يستاهل كل خير






سرررررررررررررووووووووووو وووووووووها




الجبيري

[& مشاوير &]

السلام عليكم...
انا عضو واطلب برج المملكة في هذه المحاورة وارجو انها تكون محاورة يسودها
المنافسة الشريفة.

الله الله ........ اسمع البيت:

يا هلا واعداد ما هلت المزن الغيوم &&& ياهلا واعداد قوم(ن) يعز اوجودها
يالبريج اللي كلامك على زين العلوم &&& ويش قولك في عجوز(ن) بعيد(ن) دودها

الـــــــــــــــوكــــــ ـــــــــــري

[برج المملكه]

مرحبا يامرزوق و الشرف لي

استلم

[poem=font="Simplified Arabic,4,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
دام البقا وانت راع المعرفه و السلوم=الدار نعرف ثعالبها من اوسودها
الديره اليا انقطع عنها المطر ماتقوم=ماهوب مخضرّ من فعل الدهر عودها[/poem]

[برج المملكه]

عبدالله السميري

ارحب انت و صفك و مرزوق حياكم الله

الجبيري

ارحب عسا عمرك دوم شرفتني بحضورك و الصف لاهنت

الوكري

هلابك ومرحبا فيك عضو بيننا و صح لسانك على ابياتك لكن انا مع الشاعر مرزوق الغنامي لاهنت

نتشرف بمتابعتك

تحياتي

[أمل عبدالعزيز]

,
,
,


صحت قلوبكم


والله عليك يابرج طاروق رووعة


وصح قلبك يالغنامي


والظاهر المحاورة برق فيها الرعد من أقبلت يابرج جعلك سالم

وأنا متابعة هالمرة بحيادية

[محمد السحيل]

الله عليك يا برج المملكه


صح لسانك



وصح لسان مرزوق



واصلوا لاهنتوا

[سعودعبدالله]

الله الله عليكم يا مبدعين


صحت قلوبكم ولاهنتوو


انا في الصف المحايد

ولكم تقديري

[سلطان الشيباني]

برج + مرزوق = إبداع









وابكم ايه ايه ..

هاذي الابيات اللي تخلي الواحد يدزف على رجلينه ههههههه



واصلوا لاعدمناكم ..

[مرزوق الغنامي]

الله الله


استلم يا برج
[poem=font="Simplified Arabic,5,blue,bold,normal" bkcolor="transparent" bkimage="" border="none,4," type=2 line=1 align=center use=ex num="0,black"]
الطير يا برج عانه فوق راسك يحوم=جعله فدا لم خمس وماس عبرودها
يبا يطيح المطر والله غفورٍ رحوم=لا تشتمت والهبايب ذعذعت نودها[/poem]

[مرزوق الغنامي]

عبدالله السميري

نجاء بن محمد الجبيري

الــوكري

أمل عبدالعزيز

محمد السحيل

سعودعبدالله

سلطان الشيباني

ارحبووووووو تراحيب المطر اللي في صفي واللي في صف برج والماحيد

ولاهنتوووووو


دام تواجدكم

[برج المملكه]

طيب طيب واستلم يامرزوق :)

[poem=font="Simplified Arabic,4,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
الطير ماواكر الا عاليات الرجوم=لكنّ حدّه على الشعله و بارودها
خابرك مانته من الخير الكثير امحروم=قود المطيّه براس اخطامها قودها[/poem]

[برج المملكه]

امل عبدالعزيز

الروعه تكمن في حضورك لاعدمته .. لو انه هذا المرّه مختلف :)

محمد السحيل

صح بدنك وسلمت على المتابعه

سعود عبدالله

حتى انت محايد .. طيب طيب انت فيّ و فيك شوفة الله :)

سلطان الشيباني

ارحب يابن مشيب حضورك ومتابعتك ورأيك يشرفنا لاعدمتك .. خلك قريّب وامنعنا من دقّة محيسن :)

الجميع مرحبا