[poem=font="Simplified Arabic,7,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
الله من قلب يشيل الهمومي=واعزتي له كان ما أحد درابه
يشيل هم مثل طاف الغيومي=غيوم جوه ساترات ترابه
اليا نظرت القاع شفت الحزومي= والشعب والريضان وام الذيابه
وغدران ماها من غشين الوسومي=وانهار عذبه والبحر له مهابه
وياحايم بالجو حذرى تحومي= وتهيض المشتاق وسط السحابه
يزيد غيضه والقهر به يزومي= جــرات صـوته كاشفاتٍ عـــذابه
خمس المراجل من حفظها لزومي =يحصل على مقصوده اللي سعابه
الدين والهيبه وذبح الردومي= ومخاصم العدوان عند الطلابه
ويمن (ن ) عطيبه في حراب الخصومي= هذي طراة العمر كانه زهابه
ومتابع المقفين ماهو لزومي = فرقاه فنجان يكيف شرابه
اللي قطعني وبالمواصل يسومي = والله ما أشبح في حلايا ثيابه
قالوا ترى ماضر حب الخشومي= لافارق المعتوه وانصك بابه
طويق راسي في زراير كمومي= ماحرك الرااااسي رفيف الذبابه
انا عريب الجد واعرف سلومي= لاهمني قولك ولا احد درابه
ولو يلحق المسكين عالي النجومي= كم يفرحه مسكين هرج شقابه
واليا وصلنا السِيف بانت علومي= موادع سلـــــــــــم بقايا ثيابه[/poem]
رد مع اقتباس
المشاركة الأصلية كتبت بواسطة جارح الكسر
