السلام عليكم
انا عضوة وياكم بالمنتدى بس سويت هالاكاونت مابي احد يعرفني
بليز بنات مابي احد يلومني على ولا شي يليت اللي عندها حل مفيد تقوله مابي احد ياكلني بقشوري :(
انا كنت احب واحد سنتين وعلى اساس انه متفقين نتزوج ويوم صارت اسالفه صج لا اهله راضين فيني ولا اهلي راضين فيه وماكو مجال كل عايلة معانده مادري شلون وعلى شنو يعني متخيلين الحظ العوي الحين احنا قطعنا علاقتنا ابعض نهائيا بس المشكله اني وايد احبه وحدي تعبانه مو قادره انساه وحياتي احسها مالها معنى والله حتى دراستي مو قادره اركز فيها كلش ابي اركز مو قادره ولا قمت اهتم بنفسي حتى رفيجاتي مالي خلقهم مادري شفيني احس اني كارهه كل شي بالدنيا وان الدنيا سوده بويهي انا نوعي انسانه اكتف ما احب اقعد ما اسوي شي قلت مع الوقت بنسى بس صارلي فتره على هالحاله شوروو علي شلون اطلع من هالكئابه واشوف الحياة مره ثانية بنظره متفائله والمشكله اهلي حاقريني يشوفون نفسيتي جذي ولا حتى يكلفون نفسهم يسئلوني شفيج