[poem=font="Simplified Arabic,5,purple,bold,italic" bkcolor="transparent" bkimage="" border="none,4," type=2 line=0 align=center use=ex num="0,black"]
كثرماتنزف جروحي وحامت بالسما غربان=اقول ان النخل داعب سماه وهاكم عذوقه
كثر ماصار قلبي للنوايا المبغضه نيشان=كثر ماشفت رجل في عراه وينده لنوقه
انا مااقول بي زود ولكن مابي النقصان=مثل باق الرجال وكل رجل عارف طروقه
اعرف الضلع ضلعي والليالي تعرف البرهان=واعرف ان النوايا بين سراقه ومسروقه
على الله يا خفافيش الظلام وعالي الطوفان=مدام ان الخطاوي مبعده ماهي بملحوقه
خذلني من خذلني مارجيته كلمة الغفران=اكيد الشمس تقتل ظلمة العذال بشروقه
وربي مابقالي غيرك انت وتطري الهجران=طواريف الوداع تهز خفاقي مـن عروقـه
خلاص بنظرتك تطوي غلانا صفحة النسيان=تلمح للموادع غيمة الفرقـا مـن بروقـه
تتل اقصى معاليق الحشا يا لعنة الحرمـان=الا.ملعون ابودمع تحدر كذب مـن موقـه
انا.ماهدني ياكـود رمح طيحة تعبان=ركز شلفاه مابين الخفوق وبيـن معلوقـه
تولم للفراق اللي قطع قلبي من الشريـان=نسى ليل الغرام ولهفة العاشـق لمعشوقـه
ملكني لعنبو حي المـوادع لابـو النكـران=وانا شعر الغزل قلته لاجل قافـه وطاروقـه
عطيته صادق شعورالغلا واهديته الوجـدان=وجزاني بالهجر جمره ! تفضل هذي حروقـه
اشوفه مقفي بدرب الجفايالضامر العطشـان=يباريه الهبوب وهل رذراذ الحيـاء فوقـه
لوانه قبل لايرحل مجهز لي قبـر واكفـان=اقول انه فداه الطيرنبض الطيـر وسبوقـه
[/poem]
رد مع اقتباس
المشاركة الأصلية كتبت بواسطة سعد المطلق
