السلام عليكم ورحمة الله وبركاته
اليكم هذه المتواضعه ارجو ان تنال شيٍ من اعجابكم
[poem=font="Simplified Arabic,5,orangered,bold,italic" bkcolor="transparent" bkimage="" border="double,4,blue" type=1 line=0 align=center use=ex num="0,black"]
فترتين اكون مع نفسي صريح = مع نسيم الليل واشراق الصباح
لحظةٍ فيها من الهم استريح = لو يكون الصدر مافيه انشراح
وباقي الاوقات لو حالي صحيح = قلبي من الهم فيها ماستراح
ولو اطعت النفس يمديني طريح = وفوقي من الهم شيٍ مايزاح
حينها يطري على اني جريح = من شقاي ومن هوا سيد الملاح
اللي من الفكر عيا لايطيح = حاس فكري فالمجي وفالمراح
يدري اني من سبب حبّه ذبيح = لاتقبّلني ولا قفا وراح
ان تطلبته بما عنده شحيح = وان طلبني شي الين له جناح
زين طبعه غير في هذي قبيح = جاهلٍ فالحب جعله للصلاح
جاز له وضعه على شانه مريح = مادرا ان السفن تخلفها الرياح
ولا درا انه مايصح الا الصيح = لو يطير الطير من غير الجناح[/poem]
رد مع اقتباس
