كلن على طوله تفصل ثيابه !!!

**احمد الجريفاني** · 19-04-2006, 07:21 AM

[poem=font="Simplified Arabic,7,black,bold,normal" bkcolor="orange" bkimage="" border="double,4," type=2 line=0 align=center use=ex num="0,black"]

( كلن على طوله تفصل ثيابه )

على النصيحه عشت يا فاعل الخير=نصيحتك خلت بنفسي كاابه

كان انت فاعل خير وتحس وتغير! =النصح وفق اسلوبكم وش لنا به!

وينك عني من قبل ما اطيح با البير=وينك عن اللي قطعته الذيابه!

لو ماانت شامت قلت لك سم يا سير=ونصرتني يوم افتقدت القرابه!

انته لك اسلوبك وانا مرجعي غير=ولا انت الذي يملي علي الكتابه

تعرفني ماني بشروى طراطير=مثقف وكلش محسب حسابه

وعشت الفقر واليوم ضمن الهوامير=وبنيت لي قدر ومقام ومهابه

با المنتدى توكل اذا تحسب صغير=قانونهم با النت قانون غابه!

قل لي من انته لجل تحضى بتقدير!=اكشف لثامك يا مخفي جنابه!

تقول لا قابلتك اعطيك تفسير=ماني ( وغد ) ما دام فيني نجابه!

( من اصدقاي اول ! )وتغليني كثير=وانته مثال المرجله والحبابه!

الحكي غير وفزعة الاجودي غير!=وكلن على طوله تفصل ثيابه!

رد الرساله صعب يا فاعل الخير=مادام شخصك سكر قفول بابه![/poem]

**محمد الدغيري** · 19-04-2006, 07:46 AM

السلام عليكم ورحمة الله وبركاته

الغالي

ما قصرت فيه ,,,

صح الله لـ سانكـ يا القرم
وبيض الله وجهكـ
رائع بما تعنيه الكلمة
.
:
.
تحيه عطره
محمد الدغيري

**خــــالـــــد** · 19-04-2006, 07:55 AM

[align=center]
أحمد الجريفاني
.
.

صح قلبك ولساانك يالغالي

مبدع كما هو أحمد

بيض الله وجهك ..

ولا تحرمنا من جديدك

أخوكـ/خالد[/align]

**حامل الرآية** · 19-04-2006, 10:25 AM

وعشت الفقر واليوم ضمن الهوامير
وبنيت لي قـدر ومقـام ومهابـه

با المنتدى توكل اذا تحسب صغيـر
قانونهم با النـت قانـون غابـه!

احمد الجريفان

صح لسانك والله لايهينك

طيبه من طيب راسك

تحياتي

حامل الرآية