[ALIGN=CENTER]السلام عليكم و رحمة الله و بركاته
اخواني و اخواتي
في البدايه اعتذر عن طول الغياب .. و لكن الظروف كانت اقوى بالإضافه الى مشاكل السيرفر الذي كثيرا ما يتسبب في اغلاق المنتدى .. ادري انه مب عذر ... و لكن ظروف اخرى تسببت في غيابي و التمس منكم العذر
ما راح اطول عليكم بالمقدمات الروتينيه
اليكم ما اتمنى ان يرقى لذائقتكم[/ALIGN]
[poet font="Simplified Arabic,4,black,normal,normal" bkcolor="transparent" bkimage="backgrounds/15.gif" border="none,4,gray" type=0 line=200% align=center use=ex length=0 char="" num="0,black" filter=""]
قالت لي اوصف لي شعور الشاعر الفنان"="قلت العفو توني على فن القصيد صغير
كل الكلام بصفحتي قصة حياة انسان"="ياما تعب في دنيته و ما حصّل التقدير
ياما بكى من وحدته و ياما شكى الحرمان"="لكن بعد لقياج اصبح طعم عمره غير
خليه يوصف لج شعوره يوم بدرج بان"="و خليه يشرح في دقايق شوفتج شيصير
عينه يرد إلْها نظرها حسنج الفتان"="و قلبه يرفرف مـ الفرح يسبق جناح الطير
لا من سمع كلمة احبك طاح هو غشيان"="و لا من لمس كفج خدوده يشعر بتخدير
وخليه يوصف لج شعوره يوم لج ولهان"="وخليه يشرح في دقايق غيبتج شيصير
ان غبتي عنه لو دقيقه صار هو عميان"="لا ما يفرق بين ليل ٍ او نهار منير
تحرم عليه وسادته لو هو دهر سهران"="مثل العساكر ما ينام الا بعد تحرير
هذا شعور ٍ من خفوقه ترجمه لِلْسان"="يالله عسى يشرح غرامه واعذري التقصير
والحين دورج يا بعد عمر المتيّم حان"="هاتي القلم .. خِطّي على صفحاتي التفسير
يلاّ اوصفي لي حال قلبج يوم لي ولهان"="يلاّ اشرحي لي في دقايق شوفتي شيصير
قلت اللي عندي .. ماني بشاعر ولا فنان"="و اكبر دليل انه كلامي يشتكي التكسير
لكن جبرني قلبي .. وقلبج علي ما هان"="اتركْه حاير في سؤاله لا حشا ما يصير
كل الكلام بصفحتي قصة حياة انسان"="عاش العمر مجنون في حبج (( فقط لا غير ))
[/poet]