[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يامرحبا ترحيبةٍ تطرب الجيل = عداد ماتنزل على الأرض الامطار
وعداد من حارب على صهوة الخيل= بين الوجيه البيض ياحي من زار
لك قدر عالي يالثبيتي وتبجيل = تنبت لشوفك في غرابيل الأزهار
هذي غرابيل الوفاء والمخاليل = فيها الجزاله جاريه كنها انهار
أقلط عسى دنياك ياخي تساهيل = على النقاء مابيننا جلف واشرار
هذي علوم المنتدى مابها غيل = ماتبصر الا الطيب وعتاب سمار
شعار في الميدان قوه وتنكيل = مثل السليس الي في القاف كرار
ياحي حرف الود من دون تكبيل = لامن صفاء ليلك ومن حولك اقفار
ماتبصر إلا بالسماء نجمة اسهيل = وعيون من تهوى وفي ليلك اسرار
ذكرتني بالسيل عصر التحاويل = واسرار في جده ولي بعض الآثار
ياصاحبي بين العقول المظاليل = أحترت واهل النت ذا اليوم ثوار
أحسن لي الكرتون من شيل زنبيل = توم اند جيري تعجبك نشوة الفار
إذا نصحت الواحد اصبح طرنبيل = وان قلت له غلطان قال انت مكار
أحترت يانايف كم احط واشيل = ياصاحبي ماعد بها زيف واعذار
واختم كلامي بالوفاء والأكاليل = واكرم اهل المنتدى وانت مغوار[/poem]
رد مع اقتباس
المشاركة الأصلية كتبت بواسطة نياف العتيبي
