حــائـل ,, اخت الجبال وبنت القصيد

[فهد المهوس]

عروس الشمال ..

عروس الغيم ..

واخت الجبال وبنت القصيد

أو باختصار (( حــائــل ))

***


تغزل فيها الدكتور غازي القصيبي قائلاً :


أتيت أعبر من بحر الهوى لججا ,,, حتى لقيتك طلـق الـروح مبتهجـا
لثمت جبهتـك السمـراء أعرفهـا ,,,للكبـر منطلقـا للعـز منعرجـا
سرحت عيني في وجه ملامحه ,,,السحر فيها وحلـو الهيبـة امتزجـا
ياحائل المجد كم مجد شمخت به,,, تندي الشواهق مـن تذكـاره ارجـا
ما زلت تبتكرين المجد ملحمة ,,,إن شاعـر هزجـا او فـارس لهجـا
ما زال حاتم يقري الضيف ماتركت ,,,نيران حاتم في ليل الضيوف دجى
سفي البطولات لم يصدأ ولا تعبت,,, أكف من علموه الضرب والوهجـا
يا حائل المجد مجدي أن أكون هنا,,, أنيخ قلبي في سلمى الرؤى وأجـا
هديتي بضع أبيات ولو سمحت لنـا,,, الأمانـي لأهدينـا لـك المهجـا



***

روحـــي بـــحــايـــل مــــا تــفـارق جـبلها
وحبي لها عــــيّا عـــلى كـــل الاوصـــاف
أفـرش حــــصــاهــــا واتــــوسـد سهلهــا
وأرقــــد بـــحضن جبال سلمى ولا اخـاف
اســــمــح واراضـــيــــهــا واداري زعـلهــا
واشـتاق لـــه شـــوق الطـنايـــا للاضياف
او شـوق سـمــر جــبـال حـايـل لاهلهـــا
وجـاوزت من حبي لـــهـا حـــد الاســراف
وعـينـي بـاجـأ مـا تـســمـع اللـي عذلهـا
وخشـــوم سلمى مثل شذرات الاسياف
قــــصـــــة غــــرام تــــراب حــايـل نـقـلهـا
تحكي على التالين من ما ضي الاسلاف
اجــأ تــــهــــضــــم عــبـرتـه واحـتـمـلـهــا
ولا هـــي بـــعــــادة عـــبرة الحـر تنشاف
وحـوّل عـلى سـمــر الجــبــــال ونـزلـهـــا
عـــن دار ذل عـــقـــب ما شـاف ما عــاف
وسـلـمـــى تـغـنـي لـه قـصـــايـد غـزلـها
علـــى الـــوفـا والـــود وسلـــوم الاشراف
وحـاتـم زرع عــــود الصــخـا فـي جبـلـهــا
وأوقـــد بشـامـــخ ضلعـــها نـــار الاضـياف
وعـنـتـر علـى سـلـمى ركــابــــه عـقـلها
وشحـــوا عـــليه عـيال سلمـــى بالانكاف
دار بــــهـا الشـلـقـان صــاغــــوا مـثـلـهــا
خـــويّهـم شـالـــوه مـــن فوق الاكـتـــاف
وقـصـة معشـي الـذيــــب مـحـدِ جـهـلهـا
يـــا مـــن يعد الذيب من عـرض الاضيــاف
وراع اللـــبــون اللــــي عــلـــيـنـا نزلـهـــا
تـــرعى لـبـــونـــة بـــالـــقـريّة والاكـنــاف
مـالــــوم مــــن روحــــه لـــحــايـل بذلـهـا
وأرخـص لـــهـا قـــلب مـــن الـــود ينــلاف

كلمات : أحمد فهد العريفي

***

لمحات جغرافية:: نبذة



***

تقع منطقة حائل بقرب خط الطول 30-41 و خط عرض 33-27.

تبلغ مساحتها الإجمالية 118.232 كيلو متر مربع.

يقدر عدد السكان حوالي 655.000 ألف نسمة. أي بكثافة سكانية تصل 4.23 نسمة لكل كيلو متر.

عدد القرى و الهجر 495 محافظة و مركز.

يوجد في المنطقة ثاني بئر في العالم من حيث اندفاع الماء بعمق 1000م ، حيث يبلغ ارتفاع الماء من فوهة الأنبوبة ما يزيد على 60 متر و الماء شديد الحرارة.



يوجد في المنطقة وادي من أهم الأودية و تقع عليه منطقة حائل و يبلغ طوله حوالي 160 كيلو متر و هو الأديرع.



تبعد حائل عن الرياض 650 كيلو متر ، وعن المدينة المنورة 450 كيلو متر ، وعن بريده 290 كيلو متر ، وعن تبوك 650 كيلو متر ، وعن خط الأنابيب 400 كيلو متر.



ترتفع حائل عن سطح البحر 615 متر ، يبلغ طول جبل أجأ حوالي 100 كيلو متر و عرضه 25-30 كيلو متر و أعلى قمة فيه 1350 متر ، يبلغ طول جبل سلمى حوالي 60 كيلو متر و عرضه 13 كيلو متر و أعلى قمة فيه ترتفع 1200 متر عن سطح البحر.

***
صور عامة من حائل



***



وادي مشار

***



جبل السمراء





***



***


كلمات لها معنى في داخلي ,,,

يـــادار لا تــــــذرف عــــلــيـــنــا دمـوعــــــــك ،،،، حـــقـــك عـــلــيـــنـــا مـانــصا فـي مـعـاديـك
حـــقــــك عـــلـيـــنـا بـــالـجـفـا مـاتـروعـــــك ,,,, نـــعــــاف غـــال اعـمــارنـــا لاجـــل نـرضـيـك
يـادار حـــنـــا اللـــي نـــطـــحــنـا جـمـوعـــك ,,,, يـــوم ان شــيـــخــان الـــقــبـايـــل تــثـاريــك
صـــبيــان حـايـل بالـــقـــســا هـــم دروعــك ,,,, وشــمـــر عـيـــال الـعـم ربـــعـــك واهـالـيــــك
يـادار ضـــمـــي ساكنـــك فـــي ضـلـوعــــــك ,,,, ربـــع تـــهـــل دمـــوعـــهـــا يــــوم تـطـريــــك
دار الـــكـــرم وأصــــلك يـــشـــابـه فـروعــــك ,,,, مــا مـــات حـــاتـــم والـــف حـــاتـم بـواديــك
الـجـــود والله و الـــشـــرف مــن طـبـوعـــــك ,,,, والـعـــز بـــأرضـــك والـــحـــمــــيـة بـراعـيــك

***

حبيت تشاركوني جمال منطقتي ,,,

<<< في حايل ماهوب بجاي للرياض الا بعد اسبوع يعني تطمنوا ياهل الرياض بنورها لكم بس خلوني اجي

***

خيكوووووون على قولة خوالي

[بنت السعوديه]

وتسألني عن دارٍ شموخها يفتن قلبيِ


دار العز والهيبةِ

عذبَةُ هي

حـــــــائل


دار لها في في التاريخ مجلِسٌ دائم


وفي قلوبنا جماااال يأسرُنا

/

\

/

\

أعذروني


أشعر بصغر كلماتي أمام حـــــائل











/

\


فهد بن صـــالح

رائع مارسمته لنا هنا من إبداع

/

\


أختكــ // بنت أغلى وطن

/

\

[ورد الجــوري]

رووووعة هالصور
تسلم فهد
الا صدز وين معرفك
طار دحضته الرهيبه
ههههههههههههه
/
/
ورد

[محمد الدغيري]

يا ملا السيل ,,

الله يعطيكـ العافيه على الموضوع يا فهد
عن اخت الرجال وبيت القصيد ^_^

[فهد المهوس]

***

بنت السعودية

::

اشكرك من اعماق القلب على إطرائك وثنيك على اغلى تراب بأغلى وطن ,,

حائل وياحائل التاريخ ياتاريخ حائل ,,,

واعزاهـ من فرقا الحبايب والأوطان ,,
..................... واعزاهـ من فرقاكـ يابلاد حـــــــايل ,,

::

سعيد بمرورك وتشرفت بتواصلك

مراسلكم من حايل <<<< وش عنده اكرم عريب :)

فهد

[فهد المهوس]

ورد الجوري

::

تسلمين على طلتك ,,

اقول يالدوبا خليتس عاقله مال اومها داعي نخربها هنا ترا مايردني الا شوشوتك :)

سعيد بمرورك << ماهي طالعتن من قلب ههههههههه

ههههههههه

لاهنتِ يالغلا (*_^)

[فهد المهوس]

***

محمد الدغيري

::

هلا وغلا بإبن حايل منورنا ياغالي

لاهنت يالعزوة على طلتك وتسلم لي على تواصلك

<<<< شاف شعار نادي الطائي قام ينفض قلبه :)

اشكرك من الأعماق يالغلا

وعلى فكرة ترا نائب رئيس الطائي الأستاذ سعود المصري تراهـ مسوي عملية براسه طلع فيه ورم ولله الحمد طلع ورم حميد

<<< طيب وش دخلهم

بس حبيت ابلغك يوم شفت الشعار تذكرت اني زرته قبل امس قبل لا اجي زيارة لحايل

شاكر لك مره ثانية

[shebeeb]

[grade="FF0000 FF0000 FF0000 FF0000 FF0000"]اقول تحضر دراسات عليا في الجغرافيا................................ .........
ولا علمتنا....................................ه ههههههههههههههههههههههههه ههههههههههههه..............[/grade]


بصراحه انا يوم شفت الكتابة قلت ذا من جده .......................ولا يمزحه................
ويوم شفت الصور..........................































لا والله قلت معه حق في هالحكي كله...................تصدق اني ما قد رحت لها...............
لكن انشاء الله بروح لها...............وبقلط عندك..................خلاص............
يالله السلام عليكم............

[فهد المهوس]

shebeeb

::

هلا فيك حبيب قلبي ,, حياك الله وانت تعال لحايل وابشر بعزك

بس ماتجي بأوقات دوام انت وخشتك

<<<< ساكن في الرياض


علمني قبلها علشان اسبقك << مصدق

بس ولو انت اقبل لحايل وفيه عشرين الف فهد ينتظرونك

تسلم لي مره ثانية على طلتك وتواصلك

لاهنت

[بنت الريف]

[align=center]الله عليك يافهد

الله عليك ياولد حااااااائل

نبذة تاريخية عن عروس الشمااال ...وصور رائعة ...

لو انا منك اجلس بحايل شهر اتوقع الجو فيها الان يعطي العافية خف البرد :11ughboun

اتذكر اني شفت من زمان قصيدة لواحد زائر حائل كلماتها مرة عجبتني

بروح ادور عليها واجيبها بس انتبه مو ترفع رأسك عاد علينا هههههههههههههههههههه

حائل حلوووووووووووووووة ومايختلف اثنين على جمال طبيعتها وجوها

لكن بالشتاء يافهد وش يسوون اهلها ؟؟انا لو منهم اهججججججججججججج

سنة من السنين لبيت دعوة ورحت لحايل بعز الشتاء ومانساها ولانسى بردهاااااااااااااا

لكن اشوى رجعت لها مرة ثانية بالصيف يا زينها هههههههههههههههههههههه :11ughboun

و اللي زين حائل هم أهلهاااااااااااااااااا


بنت الريف

[/align]

[عبدالله محمد]

صور رائعه
مشكور يالغالي ماقصرت

[فهد المهوس]

^
^
^

يلومونن فيك بعد

رووحي يابنت الريف يابنت ام بنت الريف ياجعلي ارقص بعرسك :)

هههههههههه

تسلمين على هالطلة وعلى حضورك وتواجدك الجميل

لاخلا ولاعدم

[ليالي الشوق]

فهد..

بصراحه لك حق انك تحبها..

ولك حق لمن تشتاقلها ...

غير انها ديرتك..

بجد اول مره اعرف انه حائل حلوه لها الدرجه..(ما كنت اعرف هي حلوه ولا لا)

تصوير في قمه الروعه والجمال..

كل صوره احلى من الثانيه..

تسلم بوح عدستك...

تبعد حائل عن الرياض 650 كيلو متر ، وعن المدينة المنورة 450 كيلو متر ، وعن بريده 290 كيلو متر ، وعن تبوك 650 كيلو متر ، وعن خط الأنابيب 400 كيلو متر.

وعن جده؟؟

[فهد المهوس]

عبدالله محمد

::

لاهنت ياغالي شرفتني بجمال حضورك تسلم لي :)

, , , ,

ليالي الشوق

::

ياهلا وغلا فيك سعيد بطلتك وبحضورك ,, وحايل تبعد عن جدهـ حدود الـ 900 كم

مشواااااااااار من جد

شرفتيني بطلتك مره ثانية

[مشاعر حالمه]

[grade="800080 800080 800080 800080 800080"]يـــادار لا تــــــذرف عــــلــيـــنــا دمـوعــــــــك ،،،، حـــقـــك عـــلــيـــنـــا مـانــصا فـي مـعـاديـك
حـــقــــك عـــلـيـــنـا بـــالـجـفـا مـاتـروعـــــك ,,,, نـــعــــاف غـــال اعـمــارنـــا لاجـــل نـرضـيـك
يـادار حـــنـــا اللـــي نـــطـــحــنـا جـمـوعـــك ,,,, يـــوم ان شــيـــخــان الـــقــبـايـــل تــثـاريــك
صـــبيــان حـايـل بالـــقـــســا هـــم دروعــك ,,,, وشــمـــر عـيـــال الـعـم ربـــعـــك واهـالـيــــك
يـادار ضـــمـــي ساكنـــك فـــي ضـلـوعــــــك ,,,, ربـــع تـــهـــل دمـــوعـــهـــا يــــوم تـطـريــــك
دار الـــكـــرم وأصــــلك يـــشـــابـه فـروعــــك ,,,, مــا مـــات حـــاتـــم والـــف حـــاتـم بـواديــك
الـجـــود والله و الـــشـــرف مــن طـبـوعـــــك ,,,, والـعـــز بـــأرضـــك والـــحـــمــــيـة بـراعـيــك

فهد بن صالح ..

ياسعدك سعدااااااااه اللي مقابلٍ حايل ذلحين ...

الله يهنيكم بديرتكم ...

اقول ترى الشرقية بعد حلوة مثل حايل <<<=== ايه هين تحلمي خخخخخخخ

مشكور فهد على الصور اللي ترد الروح ...

تحيتي لك / مشاعر حالمه ..[/grade]