اغنام - ابل - دواجن - طيور

مساكم الله بالخير أعرض عليكم البل للبيع للصامل

البل بعضها عليه سوم تفريد واليوم نوينا نجملها للمترزق والقناي الله يحيهم

والسوم جملة ومن يبي تفريد يتصل ويسوم ماعندنا مشكله

ورجاااااااااااااء خاص لايسوم الا صامل وجااااد

جوااااال 0555261120

مكان البل السديره الطائف

السعي والتوصيل على المشتري إن كتب الله بيع

الاولى كانت معشر وكسرت في رمضان والحين معشر وهي سليمه من كل العذاريب وهديه بالحيل ومنيحتنا من يوم هي بكر ماشاءالله تبارك الله

سنها ام خامس وحولها
ومعشر على قعود طيب ابوه على دوينان ال جلمود



الثانيه لقحه ثنو مشريه لقحه ولا اعلم عن هداوتها وهي مقارديه وتلاقي بشهر 5 هجري ولقحه على بعير انتاجه طيب عندي من يبي يشوف الانتاج بالمراح الله يحيه



الثالثه صفرا مجاهيم أم ثالث ولقحه تلاقي في شهر 2 هجري على الشرط سليمه كلش وهديه ومنيحه ماشاءالله تبارك الله لقحه على نفس البعير



الرابعه عجم توها كاسره ثنيه سليمه كلش ولله الحمد جاها ضرابين بالصيف ذا ولا الله كتب لها تعشر