السلام عليكم ورحمة الله وبركاته
اولا احب ان اقدم الشكر لمن قدم لي الدعوه للانظمام لهذا المنتدى الزاخر الابداع والمبدعين ,
و ثانيا هذي اولى مشاركاتي البسيطه اتمنى ان تنول على بعض من استحسانكم ,
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الجرح مدفون و الاحزان منسيّه=والقلب في شوفتك ودّه ولا ودّه
ان قلت يامرحبا و ان قلت ياحيّه=اهدم بيوت الشقا و الضيق و الشدّه
العام من طاري الضيقات مبنيّه=واليوم من طاري الاشواق منهدّه
شرفتني وابرك الحزات و الجيّه=عوج الحنايا على لاماك ممتدّه
عن ماسواك انطوت طيّه على طيّه=ماشفت حال الحنايا العوج من مدّه
اقلط على خافقي و ارتاح في الفيّه=مادمت يا اغلى مساييره من البدّه
مشاعري معك ماموره و منهيّه=وجوارحي فيك محترّه و مبردّه
لاتنشد الروح عن قلب الحياويّه=الشوق ملعون جدّ ولاعن ٍ جدّه
والله يالولا التقاليد القبيليّه=لاصيح باسمك واطر الثوب و اقدّه
لو خيّروني بطيّاره خصوصيّه=والا عماره على شاطي بحر جدّه
في ذمتي ماتساوي ضحكتك ليّه=لاقمت تضحك من الخده ليا الخده
جرح الغلا ما يطفّي ناره الحيّه=الا مداوى الجروح اللي محد قدّه
اللي يدينــــه رومنسيــه وحنيـه=لبّا حشاشة حشاه وقلبه ويدّه [/poem]
رد مع اقتباس
