![][ الفيصل ][ غير متواجد حاليآ بالمنتدى](images/statusicon/user-offline.png)
تحسبونه تحامل على البنات لا وربي بس أنا أقول الحقيقه من منطلق بحث وتحري وتجربة ( دبوس مخاوف ) بس لا شفت هالمسيكين اللي محملينه وزر هالبنت ومخلينه هو الخاين وهو اللعاب وهو ملعووون الخير ( مافيها شئ ) خلاني اشوف بجد وش مفهوم الخيانة والغدر اللي يتكلمون عنها وايش هو اللعاب في نظرهم واستنتجت عن طريق الشاتات كالتالي:
أولاً : إن الولد يدخل الشات عشان يغازل البنات ( طيب انتو يالبنات داخلين وش تسوون؟ فاتحين بلكونة الشات وجالسين تدورون هوى ربي؟ )
ثانياً : أن الولد يعرف خمس بنات في لحظه ( ولا البنات ما يعرفون إلا واحد ؟ ليه شركة الاتصال في تعبئة الطلب عند البنت شارطة عليها تخزن رقم واحد عقب امها وابوها؟
ثالثاً : إن الولد نادراً مايكون وافي مع اللي يحبها ( أعرف لي مسيكينه من كثر وفاها حالفة مايدفع فاتورة جوالها غير حبيبها خاصة لا تعدت الفاتورة 4000 ريال )
رابعاً : إن الولد سهل يقول كلمة احبك لعشر بنات في لحظة ( أعرف بنت قصدت قصيدة في سته سمتها قصيدة الوفاء كل دلخ فيهم في شطر بين لين شفت قصيدة قوامها 24 بيت )
خامساً : إن الولد جرئ أجرأ من البنت في البوح بعواطفه ( أنا أعرف لي بنت كانت تكتب على عنوان الماسنجر حقها محبوبة فلان وعشان تصد من أحرجها قالت لي هذا خالي؟؟ طيب سلمي لي على خالك وقولي له يرفق في قلب بنت أخته)
سادساً : إن الشاب لعااااااااب يلعب في البنت مثل الكورة ( مدري منهو اللي مطلع مثل الرجال مثل الكورة تضربينه بالجدار يرجع لك وربي إن كان هو لعاب فالبنات مدربين منتخب بالنهار وفتوة بالليل)
سابعاً : إن الشاب ماله قلب وأن ماعنده رومانسيه وأنه دفش ( لا مركب فلتر زيت والبنت ماشاء الله عليها كلها رقة وحنان ورومانسية.... وربي بعض الاحيان تكلم بنت تحسبها رجال من دفاشتها)
ثامناً : إن الشاب كذاااااب ويا كثر من كذب على البنت ( أعرف لي بنت تكذب في الدقيقة ست مرات عادة وخمس مجاملة..... يانصب البنات نصباه ... ابي اطلع من المنتدى بدون كسور لو سمحتن)
يعني بإختصار ابلعوا العافية ما عطا الرجال إلا وعطا البنت إلا البنت أخبث في تعاملها بحكم ضعفها اللي تدعيه وغير كذا ماله داعي يدعون أن الشاب كله عيوب وان البنات ذابحهم الكمال وربي أن عقب اللي شفته وخلو مني اللي سمعته لأني مااعتمد عليه أن شاب راسي لين صرت أتخيل كل حرب حاصلة في هالعالم وراه كونداليزا رايس.
من بغت السلامة تفك راسها من أنياب الذيب ومن بغت اللعب لا تشتكي من كسر ركبها ولا اعمم البنات كلهم ولا اعمم الشباب كلهم لكن اخص البنات اللي يناظرون عيوب الشباب وناسين عيوبهم يا كم بنت في بيتها ما طلع منها العيبة ويا كم ولد في بيته ما طلعت منه العيبه كلن حافظن نفسه ومسكرن حلقه وعلى فكره أنا أخص فقط اللي من يهمه الامر اللي مردغين خشش الشباب في الشاتات..اقول اهااااا بس لو صفحتي تعرض صور عرضت لكم صور شباب انتهوا بالمخدرات والمسكرات مهبل انجرفوا ورا لعب البنات بأحاسيسهم ومشاعرهم والزج بهم في غياهب الضياع ........ لعنبووو داركم قمتو تربووون عضل ( كح كح )
أشكر الكاتب الكبير رفيع الشأن ولا أظن أغلب ماقاله صحيح عن بناتنا واتمنى أن يدلو كل(ن) منكم بدلوه في هذا الموضوع
رد مع اقتباس
![الصورة الرمزية ][*+عجــايب+*][](image.php?u=33&dateline=1164057206 "الصورة الرمزية ][*+عجــايب+*][")
