[poem=font="Arabic Transparent,5,black,bold,normal" bkcolor="transparent" bkimage="backgrounds/14.gif" border="none,4,gray" type=2 line=0 align=center use=ex num="0,black"]
بعد طول غياب اليكم جديدي وكل عام وانتم بخير
آمل ان تحوز على رضاكم
مسافــــــــــــــــر...
غيمةٍ لاحت شمالي..حول وقت المغربيّة=أنشدوها كانها تنوي على جدّة تسافر
لأجل أحمِّلها سلامي..ثمّ أبلِّغها وصيّة=لا تعدّي عن ديار حبيّبي ولا تغادر
لين تمطر له غلا..وتمسّيَه بأحلى مسيّة=ثمّ ترْعد له سلامٍ..بارِقه وِدّ ومشاعر
وعلّميه وقولي اِنّي..مِن تفارقنا عشيّة=ليل حبٍ فات..وآنا ماعرفت النوم..ساهر
في ضحى صبح الخميس..الله عليها من ضَحيّة=في عنى خطّ السَّفَر..وفراقك..ودمع المحاجر
انتظرت الليل لين أسدل..وخفّ النور ضيّه=واحتريت ألقى القمر..ساعة هوى فيها انتسامر
ثمّ جيت أسْرح..ويملي خاطري على يديَّه=وابتديت بكلْمتينٍ..حِبْرها من قلب شاعر
أيْه أحبِّك..أرفقي يابنت..خافي الَّله فيّه=ويش سوّيتي بحبّك في فؤادٍ كان صابر
هام فيك الين مات..وراح في حبّك ضحية=وانتهى ذاليوم عاجز..للجفا ماعاد قادر
ياالله اِنِّك لاتواخِذ زلّة لساني خطيّة=تدري ابن آدم ضعيف..وعن كمال الحال قاصر
الديانات بعذاب القلب..مجملها تقيّة=مسلمة..اِلاّ الفراق..ديانته والبُعد كافر
كان ترضينه يسوّي بي كذا..رُدّي عليّه=ما يهِمِّك..تِكْرم عيون ومداين..وأنت تامر
لكن اِدْري..والله انّي كلما جا مغرِبيّة=قمت أغنّي للسحاب اللي على جدة مسافر
علي عبدالرحمن آل دعياء الأسمري
وسلامتكم...[/poem]
رد مع اقتباس
