أضع بين ايديكم هذه المتواضعة
وهي من الارشيف .. قديمة بس أني عدلت عليها تعديل طفيف
[poem=font="Simplified Arabic,4,white,bold,normal" bkcolor="transparent" bkimage="backgrounds/10.gif" border="none,6,crimson" type=2 line=0 align=center use=sp num="0,black"]
شوف عيني يافهد محد (ن) يقوله = لا تبرر موقفة والشك زالي
شايفة يجلس على يمينه وحوله = قاضب (ن) يدة ويضحك ما يبالي
الله أكبر ليتني ما شفت زوله = تصفق يميني من الغبن الشمالي
حسبي الله كيف ينساء بالسهوله = عشرتي بالحب يومنه صفالي
يوم سوق الحب إلى عندة عموله = رافعن سعر السهم مبلغ خيالي
يوم لا منه بغاء شين ينوله = نرخص إله الي يبا قبل السوالي
مانرد اله الطلب لاجاء رسوله = المصيبة فالخفاء شخص (ن) حكالي
كيف عذال الهوى فالبيت جوله = كيف ينساء ما بنينا فالليالي
كنت أضن إن العواذل لاحكوله = ما يصدق في وليفه قيل قالي
خاب ضني مير ما شي (ن) يهوله = مرخي لغير الولي مد الحبالي
عزتي فيني من أيام الطفوله = ما يغيرها الغرام ولا الهبالي
ما درى إني من قروم ومن حموله = عزتي هي عزوتي هي راس مالي
دام ورع اللاش يمناه مغسوله = ليت بنت اللاش ما تنجب عيالي
سل سيفك دام أنا لي معك صوله = بقطع أعروق الغرام ولا مجالي
ما نبا حرب الغرام أتصير جوله = خلها حرب البسوس الثار غالي
والنهاية يا فهد شي (ن) بقوله = كم كتبت من القصيد وكم غدالي
إحفظ الي قلت ثم سكر قفوله = دائم (ن) شمس الهوى قبل الزوالي[/poem]
رد مع اقتباس
المشاركة الأصلية كتبت بواسطة محمد الروقي
