عتـــــــــاب من عجايب إلى كل عضو ومشرف في الغرابيل ........!!!!!!

[][*+عجــايب+*][]

سلام الله عليكم ورحمته وبركاته ..... ردوا السلام في مشاركاتكم لو سمحتوا !!!

في البداية أحب إني أنوّه >>> حلوة أنوّه !!!

ايه أنوه لحضراتكم يا إخواني وأخواتي الأفاضل بأني عتبانة عليكم بكل ما أوتيت من قوة ...قولوا ليه.....

لأني وبكل صراحة لما أكتب أحب ان الكل يتفاعل معاي .. ومن ملاحظتي على المشاركة السابقة ان كل واحد فيكم ((( من اللي ردوا علي طبعا ))) كتب الرد وانحاش .. ولا عاد طب يشوف وش أنا كاتبة له ...

يعني بكل صراحة لما أكتب موضوع وبعدين أرد على الردود ما ألقى أحد يرجع ويشوف وش ردي عليه .. أنا ما أقصد نقلب المواضيع شات .. لأ بس يعني أحيانا يكون واحد معلق تعليق يموت من الضحك وأجي أرد عليه بكلام أو بسؤال أو بتعليق أحب اني أشوف ردة فعله عليه .. بس للأسف ... أدخل لموضوعي وما أسمع إلا صوت ريااااااااح ... وأشوف غباااااار >>> والله تجيني كتمة من ذالغبار ...

وكأن مشاركتي شجرة كانت من يومين خضرة وصارت صفرة يابسة... بظرف يومين بس ..

مدري وش أسوي ؟؟؟ أقعد أرسل لكل واحد رسالة خاصة وأقول .. هيه يالأخو تراني رديت عليك رح شف وش كتبت لك !!!! ولاّ يالحبيبة تراني رادة عليتس وش رايتس تطلين شوي؟؟

ولاّ تبون أصك لكم إعلان من الإدارة على إيميلاتكم عشان تروحون تشوفون ؟؟؟؟

والله ما برّد قلبي غير موضوعين كتبتهم ... ((( موضوع الضبان ))) اللي حسيت اني شفت ناس ماعمرهم ردوا علي بس في هالموضوع ردوا وأبدعوا في ردهم مثل همس المشاعر اللي صار لي سنتين تقريبا أشوفه بالمنتدى سواء بهالمنتدى أو بمنتدانا السابق بس ما عمره رد على مواضيعي .. من جد عرفت يوم رد إني أبدعت في موضوعي من كل النواحي سواء بالفكرة أو بالعرض أو بالرد ..
والعالم صارت تروح وتجي وتكمل ردود وترد أكثر من مرة مثل سيف العشق..
وبنات ملاقيف والله وسعوا صدري ..
يعني بالعربي موضوع حسيت اني عرفت أكتب فيه .. وتحمست إني أدور على مواضيع تساويه أو أفضل منه ...

وموضوعي الثاني ((( موضوع القهوة ))) اللي صار كل واحد يدخل ويتقهوى وبعدين يجي ويرد على ردي وانقلب شوي سوالف بس كلن تقهوى .. وانبسطت فيهم والله ..

مدري ليه ماعاد أحد يكتب أو يبالي بالرد اللي يكتبه ؟؟؟
يعني المفروض ان كل واحد يعطينا رايه و يوضح وجهة نظره سواء بمواضيع الصرقعة أو الشعر والخواطر أو الرياضية أو التليفونات أو المطبخ أو السيارات ....إلخ إلخ إلخ ...

هذه الملاحظة حسيت إنها تقرقع في خاطري ... قلت يا بنت ترى يمكن في غيرتس يعاني من نفس هالمشكلة.. ليه ما تطرحين وجهة هالنظر اللي سبعة على ستة وتتكلمين بهاللسان اللي يقطر من العسل شارحة و موضحة هالنقطة ويصير كأن الكلام لتس يا جارة ؟؟؟

أتمنى ما أكون طولت عليكم .. وإني جبت لكم زبدة المشكلة وقشطتها ....

تقبلوا جميعاً خالص تحياتي ...

والزعل مرفوض والعتب عادي نتقبله ترى ....

[أبوعبدالرحمن]

يؤ
يؤ
يؤ
يؤ


عجوبه وش فيك علينا


يمكن الفتره اللي راحت الاختبارات اشغلت الاعضاء شوي

وفيه اعضاء ما يحبون يردون مرتين

وفيه وفيه وفيه


يعني لا تشيلين في خاطرك


لانه لو رد عليك مره ثانيه وانتي رديتي وهو بيرد ما راح ينتهي الموضوع

والموضوع يرجع اولا واخيرا للعضو

تحياتي لك واهلا بك بعد غيبة

ومبرووووووووووك النجاااااااااااح عجووووبة

[الأميرة الناعمة]

يمه وش فيك يا بنت

اركدي لا اتوطى في بطنك

الحين يا خبله ليه زعلانه

وخري بس انت تشوفين مواضيعنا و ما تردين

وحدة بوحدة خخخخخخخخخخخخخخخخخخخخ

اقول لا تزعلين لا افقع دميجتك

سوسي

[أمل عبدالعزيز]

غاليتي عجوبة ........

في زمن كثرت فيه الأكذوبة<===== لزوم الوزن |121| يحتار الشخص ماذا يصنع بنفسه فأننا نكتب ونرد ثمن نروح وننسى ويش قلنا .....

قد تقولين لنفسِكِ ولماذا يارهيبتون هذه القضيتو؟ فأجيبك مستعينه بالله .........

ياعزيزتي العجوبة المربوشة في زمن السحالى بدأت تطير , والعصافير خارت وصارت تزحف , وهذا ليس بغريب ولاتفغري فاكِ ياغاليتى |507| فإن فغر الفاه يؤدي لمشاكل كثيرة منها:

1- انشقاق البرطم

2- انهيار البيت لو كان من سعف

3- أننى أرد عليتس وقلبي يتقط اربن اربن ولاأدري لماذا؟

لكنه هو الواقع في زمن الضفادع الحول , والقرود العور |375|

لذا قلت لزوم ارد عليتس وأخبرتسي من هذا المنبر أننى إذ أجيبك فأنا من اشد المعجبين فيتس وفي طبخك الذي قد غطي على المطعم الصيني بزمه وعرااااااااااه|121|

وهذا هو الموضوع والله أعلم

[أمل عبدالعزيز]

غاليتي عجوبة ........

في زمن كثرت فيه الأكذوبة<===== لزوم الوزن |121| يحتار الشخص ماذا يصنع بنفسه فأننا نكتب ونرد ثمن نروح وننسى ويش قلنا .....

قد تقولين لنفسِكِ ولماذا يارهيبتون هذه القضيتو؟ فأجيبك مستعينه بالله .........

ياعزيزتي العجوبة المربوشة في زمن السحالى بدأت تطير , والعصافير خارت وصارت تزحف , وهذا ليس بغريب ولاتفغري فاكِ ياغاليتى |507| فإن فغر الفاه يؤدي لمشاكل كثيرة منها:

1- انشقاق البرطم

2- انهيار البيت لو كان من سعف

3- أننى أرد عليتس وقلبي يتقط اربن اربن ولاأدري لماذا؟

لكنه هو الواقع في زمن الضفادع الحول , والقرود العور |375|

لذا قلت لزوم ارد عليتس وأخبرتسي من هذا المنبر أننى إذ أجيبك فأنا من اشد المعجبين فيتس وفي طبخك الذي قد غطي على المطعم الصيني بزمه وعرااااااااااه|121|

وهذا هو الموضوع والله أعلم


فوق بالصيني وهناااااااااا بالعربي ياعجبيكووووووو

[إعصار نار]

.
.

والله ما أنت سهله يالرهيبه ... صيني مطرجم بالعربي ..!!!

خوش طرجمه .. على كل ما قصرتي .. لكن الظهار إنس ورطتي مع عجوبه ..!!!

بتستلمس بالأسلئلة عن أهل الصين .. وش ياكلون .. وشهي طبخاتهم .. بس تكفين لاتعلمينها إنهم ياكلون البزارين الصغان .. حتى لاتنفجع فيهم .. !!!

عجيبان ..

وش رايك أبت إفراشي عن الجهاز علشان موضوعس .. ؟؟!!!
ولا شنهو اللي تبينه بالزبط !!؟؟؟
قولي .. إن كان ستذا ما دخلت على ولا واحد من مواضيعك بتاتن البته .. !!!

وباب يجيك منه ريح سده واستريح .. يا عسيب ..

وتراني هالمرة بس باعود علشان اشوف ردس علي انت توافقين نرد مره وحده بس ولالالالالالالا ..!!!

وسلامتس وسلامة السامعين ...

عسيب

[مجروحة الزمن]

هلا حبوبه عجوبه

ليش مزعله عمرج ومكدره خاطرج

السالفه ماتستاهل كل هذا

والله بصراحه كلنا مرينا باللي مريتي انتي فيه

بس طنشنا وتحملنا

تدرين والله اني مسويه موضوع قعدت فيه اربع ساعات ونص وعيوني طلعت علي ماخلصته

وبالاخر محد رد علي غير اربع

طبعا انا شو اقول طنشت وقلت خيرها بغيرها

هذي الدنيا يوم لك ويوم عليك
بعدين احنا مانقدر نجبر الناس انها ترد علي مواضبعنا

مره وحده بس
عاد انتي تبين مرتين
صج طماعه<<<<<<<<<<<<<<<بحصل طق اليوم هههههههههههههههههه

علي العموم احنا لازم نعذر الناس يمكن الظروف ماتسمح

حطي 77 عذر لكل عضو بعدين ازعلي
انزين
عادانا ماارضي علي زعلج انتي غاليه علينا كلنا

كاني طرلت ;)

ماعليه يا الله
باي باي

[مخاوف قلب]

وعليكم السلام ورحمة الله وبركاته



<<<< بس ذي المؤدبه هي اللي ردت السلام



يالله ابي حلاوه




ههههههههههههههههههههههههه ههههه




المهم عجوووبه ابي اكل وبعدين ارد








لاتعصبين طيب من عيوني اللحين اروح اشوف كل مواضيعك





صي يووووو ياعيني بس

[][*+عجــايب+*][]

صباح الخير جميعا...


اعذروني جميعا ... اعذروني ان كنت ثقلت عليكم بهالموضوع ...
بس والله حبيت اني أوضح وجهة نظر لفتت انتباهي ...
وأنا مثل ما قلت لكم سابقاً ما قصدت تنقلب المواضيع شات بس يعني حلو لما الواحد يسولف شوي وياخذ ويعطي ...

تقدرون تقولون نتعرف على بعض أكثر ونعرف شخصيات بعض...

وأنا موقصدي على مواضيعي بس .. لا والله بس حبيت أجيب لكم صورة توضح المقصود لا أكثر ولا أقل ..

يعني لا تفهموني غلط وتحسون إني قاعدة أسوي دعاية أي أي شي من كذا ...

لا والله بس حبيت اني أتكلم بلسان بعض الأعضاء اللي يشتكون من كذا ويعانون من هالوضع ...

لذلك اعذروني مجدداً إن كنت قد أخطأت في الكتابة .. أو أسأت الاختيار للموضوع ...


تحياتي للجميع ...

[][*+عجــايب+*][]

الرسالة الأصلية كتبت بواسطة عشق ليل



يمكن الفتره اللي راحت الاختبارات اشغلت الاعضاء شوي

وفيه اعضاء ما يحبون يردون مرتين

وفيه وفيه وفيه


والموضوع يرجع اولا واخيرا للعضو

تحياتي لك واهلا بك بعد غيبة

ومبرووووووووووك النجاااااااااااح عجووووبة

أخي الفاضل / عشق ليل

صحيح أيام امتحانات و مشاغل مالها من الأول ولا تالي ..

لكن عتابي كان للفاضين الذين بإمكانهم الرد ...

فليس من المعقول أن الجميع من أعضاء ومشرفين ليس له الوقت أحيانا للرد..

لم أقصد الرد على كل حبة وشعيرة .. كلا ولكن الرد في حدود المعقول ..

لأشياء تستاهل ...

ومثلما قلت أخي .. الموضوع يرجع أولا وأخيرا للكاتب نفسه ..

زين في أحد حس اني غبت .... على العموم شكرا على هالتعقيب وعلى المباركة المتأخرة ..


وتقبل خالص تحياتي أخي الفاضل ...

[أبوعبدالرحمن]

<<خاف من عجايب ورجع يرد


لا عادي عاذرينك وتسعدنا ملاحظاتك عجوووبة


:D

[][ الفيصل ][]

الا شفتو الصحاف على قناة العربيه والا لا ( ياشين الدخله ههههههههههه)










اختي عجايب انا توني جديد يعني لا تشرهين علي أذا شفت لي شقه عندكم ابشري ارد عليك بخشمي لو تبين







تحياتي

[][*+عجــايب+*][]

الرسالة الأصلية كتبت بواسطة حساسة



وخري بس انت تشوفين مواضيعنا و ما تردين

وحدة بوحدة خخخخخخخخخخخخخخخخخخخخ

عزيزتي حساسة ...

انتي وين وإحنا وين ؟؟؟؟؟

افهمي الموضوع صح وبعدين تعالي تكلمي ...

أنا ما قصدت الرد على الموضوع من أول مرة ...

لنا لقاء في الماسنجر .....>>>> اصبري عليّ

[][*+عجــايب+*][]

الرسالة الأصلية كتبت بواسطة @.الرهيبة.@


لذا قلت لزوم ارد عليتس وأخبرتسي من هذا المنبر أننى إذ أجيبك فأنا من اشد المعجبين فيتس وفي طبخك الذي قد غطي على المطعم الصيني بزمه وعرااااااااااه|121|

وهذا هو الموضوع والله أعلم


فوق بالصيني وهناااااااااا بالعربي ياعجبيكووووووو

أزين ماكتبتي بالصيني يا أم رهب ...

ووالله انك لفيتي راسي بهالرد ((( عصافير تزحف ......)))

يعني بالعربي وزين إن فهمنا وتجين بالصيني بعد؟؟؟


بس هالله هالله بالطبخات الصينية ...>>>> مثل ما يقول عسيب

انتي كل كلمة تكتبينها على عيني وعلى راسي..


تقبلي تحياتي يالغالية ...

[][*+عجــايب+*][]

الرسالة الأصلية كتبت بواسطة عسيب
.
.

عجيبان ..

وش رايك أبت إفراشي عن الجهاز علشان موضوعس .. ؟؟!!!
ولا شنهو اللي تبينه بالزبط !!؟؟؟
قولي .. إن كان ستذا ما دخلت على ولا واحد من مواضيعك بتاتن البته .. !!!

وباب يجيك منه ريح سده واستريح .. يا عسيب ..

عسيب

أخي الفاضل.. عسيب ..

تحية طيبة لشخصكم الكريم ...

وأنا ما طلبت انك تجيب فراشك عند الجهاز لأ... أقول أحسن شرايك تحط الجهاز على فراشك ؟؟؟ أريح صح؟؟؟

>>>>مزحة بايخة أدري ..

نرجع لموضوعنا ... وانا ما أغصبكم تردون على مواضيعي بتاتا ...

وإذا انت شايف إن بابي هذا جاب لك ريح .... سده واستريح ....

بس ما ظنيته والله .. كلامي كان بشكل عام ولكن بمثال من عندي ...

أتمنى أكون قد وضحت ...

وسلاامي عليك ....