الكل اهني يدري بمعاناتي من الكحه صارلها شهرين معاي

من 3 ايام جذي تعبت حدي خلااص مافيني اتحمل وقلت بروح
حق مستشفي دار الشفاء من قبل لي تجربه فاشله معاهم وكنت متردده اروح لهم
بس زوجي قال خنروح انجرب محنا خسرانين
ورحت عند
استشاري اسمه عدنان ابل الدشه عنده 30 دينار واااااااي اشدعوه 30
والله مفروض من سعره منحاشه ومو داشه عليه مبين مسويله برستيج علي الطل

وسكرتيرته نفسيه شايفه روحها زوجي راح يفتح لي ملف وانا كرشتي اشكبرها
وماقدر اتحرك قت لها ممكن اقعد اهني اطالعني من فوق لتحت وتقول لاء
روح لكراسي الانتظار حسبي الله عليها ماكسرت خاطرها ولا جني مره مثلها
المهم دشيت علي الدكتور وربي من شفت شكله قلت لا هذا ماله علاقه بالطب سبحان الله
قت له شنو احس فيه مايعطيني فرصه اكمل كلامي كلش كله يقاطعني
ويضحك علي اذا قلت كلمه عن حمالي استغفر الله بفهم شنو يضحك بالموضوع
جاااااااااان ايقلي طبعا بدون مايفحصني كلش انتي فيج ربو انا سامع صدرج من اهني وانا صدري مايطلع له صوت عجيييب
وكتب لي الدوا وبعدها قام قال بفحص صدرج وحط السماعه مره وحده بس
تخيلوا كتب لي ادويه كلها كرتزون وادويه ترفع السكر يمممما خرعني والله

ولا قت له دكتور شنو السكرتيره النفسيه هذي تتحجي من طرف خشمها واهو يقاطعني ويتحجي موعاجبه اللي قلته عن السكرتيره
وتلفونه كان ايدق واحنا عنده يطالعه ويحركه استغفرالله اي حطه سايلنت
طلعت من عنده وانا متضايقه حدي ورحت مستشفي الفروانيه فحصني الدكتور قال مافيج شي وعطاني
خلطه اشتريها من العطار وآكلها ودوا ورحت مستوصف منطقتنا
وقالت لي الدكتوره الحمدلله مافيج ربو هذا اهوالشهر الاخير يكون حجم البيبي كبير ويضغط علي الصدر وبآخر التاسع راح اتلاحظين هالشي يخف عنج

بنات هذي تجربتي بالتفصيل الممل والله فاااشل هالمستشفي
حتي الاستقبال مافي تكييف حااااااار وسموم من الباب اذا الحكومه استقبالهم بارد ايهبل وهذا خاص وجذي جوه

سامحووون طولت وقرقة وايد