السلام عليكم ورحمة الله وبركاته::
وأسعد الله جميع أوقاتكم أعضاء وزوار منتدي غرابيل الكرام
إليكم القصيده الثالثه بطريقة التشطير.....
والتشطير فن شعري....( سبق شرحه...)
وهذا تشطير قصيدة( هبت علينا اليماني فأول الشاتي بنسناس..) للشاعر المعروف مرزوق بن عساف وكلام ابن عساف يلاحظ بين قوسين..إليكم مع أرق تحياتي...
(هـبـّت عـليـنـا اليـمـاني فـأول الـشـاتي بنـسنـاس)*** لـيـت الـهبايـب تـثـير شعـور مـا بـيـن المحـاني
تـطـري عـليّ الـديار وحالتي في ظـرف حـسّـَـاس***(لا واســعـيـد الــديـار الـلي هــبايـبـهـا يــمـانـي)
(العفــو لـلـه من قـلب(ن) تكـالـت فـيه الأهـجـاس)*** لا قــلـت:خـالي من الـهوجـاس في قـلـبي كـواني
لا جـات عيـني تــذوق النـوم هـمي دقّ الأجــراس*** (الــنـاس مـتـريِّـحـه وأنــا مـشاجـيـنـي زمــانـي)
(ونــيت ونّـه عـلى ونّـه تـشــيّـِب مـفـرق الــراس)*** ما كنِّـي إلا صويب(ن) طاح من فوق الحصاني
أدوس درب الـخـطـر لو تصـبـح الأريــاق يـبَّــاس*** (وأرص روحي وأصبرها على وقت(ن) بلاني)
(الـبعــد ما هــمّـِنـي لو كـان أروِّح مـن ورا فــاس)*** خـبرت كـل الـدروب وجـيت مـن قـاصي لـداني
لـو ديرتي دونـها الـموت الحـمر قـطـّاع الأنـفـاس*** (إن سـاعـف الـلـه يـودنـي مـقـربـة الــمـكــانــي)
(لكـن قـلـبي تشــقَّــى فـي هــوى واحـد مـن الـناس)*** تمـضـي سـنـيـني بـقـربه فـالعـدد مـثل الـثـوانـي
خفـيـت وأنـا ثقـيـل الـوزن عـقـلـي ثـابــت الـسـاس*** (مـن يـوم ربـي خـلـقـني ما أشـتـقيـت بحي ثانـي)
(غير أنت ياعنبر(ن) في حقّ مطوي بطن قرطاس)*** انـصـاب قـلبـي بـسـهــم الــود يــوم إنــه رمـانـي
الصـدر لـك قـصر عالي والضلوع العـوج حـرَّاس*** (والـلـه مـا غبـت عـن بـالي وذكـرك فـي لـساني)
(يـا ضـيمران الـحمـى يا فـلّ يا جوهـر من المـاس)*** يــا ورد ريّــَان مـرويـه الــمـطر قـبـل الســوانـي
لا جيـت أبقـطفـك عيَّـا المـاء يغطـي قـاعـة الكـاس*** (دونـك حـرس مـا تـبات الـلـيل مـدركـة العـواني)
(حـامـيك واليــك ما يبـغى مخـالـط كــل الأجنــاس)*** بـالسـيف حـامـيك والأدراع وطـعـون الــسنـانــي
لـو جاك راجـيك يرجع بالفـلس مـع درب الإفـلاس*** (البـيـت مـبنـي حـجـر والبـاب قـفـله هـنــدوانــي)
(الــعــام مــريـتـكـو وألـيـان دونــك مـــد حـبَّـــاس)*** حتـى البـحـر لا طـغى مـدّه عـلى الخـلان جـانـي
حــثّـه عـلى الـكــيد لـيـِّه والـجــنايه عــرق دسّـاس*** (وإلـيــاه يـرمي على اليسرى وعن جالـك حداني)
(وأقــفــيـت يا ســيدي لـعـل ما يـقــفـانـي الــبــاس)*** أحايـل الوقـت مـير الوقـت فـي قـربـك عـصانـي
أطـلـب مـن الــله يـكـسيك السـعـاده تــاج ولـبــاس*** (عـسـاك دايـم بـخيـر وفـي حـسـيـنـات الـمـبانـي)
(مــدرك عـليـك الســدود وكــل يـوم أقــيِّس قيـاس)*** لـعــل حــظي يـحـالــفــه الـسـعد ويــزيـن شـانـي
أرسـلـت مـن تحـت ســتر الـليل للأعـيان عـسَّاس*** (فـالـبعـد والـقـرب منـكـو يا عـويـد الـخـيـزرانـي)
أخوكم : مطلق الحمدي الجهني
رد مع اقتباس
المشاركة الأصلية كتبت بواسطة محمد بن ضاوي
