يــــــا طــــــــــــــــــــــير

[محمد مطلق الجربا]

[align=center]السلام عليكم ورحمة الله وبركاته

حبيت اليوم أن أقدم لكم هذه القصيدة وأتمنى أن تنال رضاكم وهي بعنوان [/align]

[align=center]يـــــا طـــيــــر[/align]

[poem=font="Simplified Arabic,6,white,bold,normal" bkcolor="transparent" bkimage="backgrounds/28.gif" border="groove,4,gray" type=2 line=0 align=center use=ex num="0,black"]
يا طير يلي نازل ٍ فوق مدهال=أبي أنشدك ياطير عطني جوابي
أنشدك يلي مرسي ٍ شم الأجبال =عن من تسبب بالهوى في عذابي
اللي جعل قلبي كما نسج غربال=هو حي ولا حطوه حدر الترابي
اللي سقاني بالهوى موته أشكال=اليوم أنا محتاج منه شرابي
أنا الذي صابن بلياه زلزال=حطم بي القدره وزيّد خرابي
بي حسرتٍ يا طير بي دمع شلال=بي صرخةٍ تصدى لصوته روابي
والله لو لا دمعة الرجال غربال=أسيّـل دموعي على من سطابي
الوقت لو هو لحظتٍ دونها طال=وبشوفها يا كيف وقتي مضى بي
من بعدها حالي كما حال رجال=في هيمتٍ ما ينسمع به منابي
عطشان أحفر من الظمى طعوس ورمال=ويردم علي الرمل كل ما مشابي
هلكت أناظر بالهوى خيوط الأمال=وأخاف من خيط الأمل لا يخابي
وليا لفاني طيفها يسعد الحال=أنطر حلايا من تملك شبابي
اللي شعرها ضافي ٍ كنه الشال=موج البحر يضرب على صدر نابي
عين العنود الربعت بين الجبال=ورموشها تضرب ورود الروابي
وعيونها تحرس بسيفين وظلال=وأخاف لا عينه بعين ٍ تصابي
له شفتٍ كنها جمر الأشعال=جمر ٍ على طرفانه الشهد ذابي
والزول غصن ٍ نادي بالهوى مال=أمعزل تزها عليه الثيابي
وليا وطت ذر الثرى فز له وقال=يا قاع صوني سيد كل الشبابي[/poem]



أخوكم
محمد مطلق الجربا
ـــــــــــــــــــــــــ ــــــــ

[محمد السبيعي]

الشاعر الرائع : مطلق الجربا
صح قلبك ولسانك على هذه الفاتنة التي لامست الشعور
وحركت الاحاسيس

لاهنت

[مهدي بن مسفر الحبابي]

صــح لـســانــك وبــيـض الله وجـهـك



ســلــمــت ودمــت ولاهــنـــت


قصيده جـزلــه من شـاعـر جـزل


رايـعـه بـروعــة شــاعــرهــــا


تـقـبـل خـالـص تحـياتي وتـقـديـري

[فهد الروقي]

مطلق الجربا....... صح لسانك مليار ولاهنت طال عمرك..

[أمل عبدالعزيز]

,
,
,
عطشان أحفر من الظمى طعوس ورمال
ويردم علي الرمـل كـل مـا مشابـي
هلكت أناظر بالهـوى خيـوط الأمـال
وأخاف مـن خيـط الأمـل لا يخابـي
وليـا لفانـي طيفهـا يسعـد الحـال
أنطـر حلايـا مـن تملـك شبـابـي


مطلق الجربا


وحضور راائع وعذب


وكلمااات كلها شوق ووجد وسؤال عمن ملك الشعور كلَّه...


صورة رسمتها ياعزيزي بنبضاتك

وعزفتها على مشاعِر من قرأك هنا


راائع للغااااية ياعزيزي..

[أبوعبدالرحمن]

صح لسانك يالجزل

وسلمت اناملك

تحيتي لك

[عبدالله محمد]

أخوي الغالي والعزيز / محمد مطلق الجربا
صــــــح لســـــــانـــــك
أستمتعنا بمت قرأنا
وعكست لنا إبداعك وتألقك
والله يعطيك العافيه
وننتظر إبداعك القادم
وتقبل خالص تحياتي ،،،،،،،،،
أخوك : عبدالله محمد