بسم الله الرحمن الرحيم
يا أخوان أنا معلم صف ثاني لي تقريباً 3 سنوات وهالسنة جيت في مدرسة للأسف سيئة جداً والطلاب جداً مستواهم سيء ولا فيه متابعة ولا إهتمام وبإختصار الوضع مزري من كل النواحي
عندي تقريباً 8 طلاب والله يا جماعة أكتب له حرف ك يقول حرف خ ضايعين مره ولا يقرون كلمة من أول السنة وانا معاهم وأرسل خطابات وأستدعي أولياء أمورهم وأتكلم معاهم ولا فيه أي نتيجة
أرسلهم للمرشد الطلابي ( النايم) يقولهم آخر مره ويرجعهم لي !!!!
سويت لهم أوراق حروف وتعطّل المنهج عن بقية الطلاب وتأخرت قلت يمكن يكون فيه فائده وللأسف اللي غايب واللي ضيّع المذكرة واللي يقول ما أحد يذاكر لي !!!
تعبت جداً معهم كل الفترات عطيتهم 4 وجيت الفترة الاخيرة وأسوي لهم ملخص خطة علاجية لي أسبوعين وما فيه أي فائدة بالأخير جوني أولياء امورهم يقولون لي مشهم نجحهم !!
قلت ما أبي أغشّك والله الولد يروح ثالث يضيع مره الولد مو عارف حتى الحروف !!!!!! قالي طيب هو آخذ بالرياضيات 1 قلت والله هذي مسؤولية معلم الرياضيات مو مسؤوليتي الولد ما يقرأ ولا يكتب ولا يحل ولا يحفظ ولا شيء !!
والكارثة يا أخوان والله العظيم شوفوني أقسم بالله العظيم فيه واحد منهم او 2 ما حفظ ولا مقطع من القرآن من بداية السنه تخيلوا ولا مقطع تعبت معهم حيل حيل حيل .!!
ويوم خلصت الخطط العلاجية حولتهم للجنه التربوية وأقرت قالت هذولا ما ينجحون ويرسبون !!
اليوم يقولون لي بعض المعلمين يمكن ما تجيك حوافز يمكن يجي مشرفين وتحقيق ؟؟؟ قلت ليش !! قالوا انت طلابك عددهم 20 ومرسب منهم 8 يعني تقريبا نص المشكلة فيك أنت ؟؟؟؟
قلبوا علي:fouet:
والله يا اخوان بعض المعلمين يحط كلهم 1 عشان يريح راسه فقط ..
يعني انا الحين غلطان والا وش السالفة يعني عشاني عطيت كلن حقه ووالله الطلاب اللي ناجحين بالقراءة والكتابة مستواهم عالي عالي جداً ..بصراحة أنا ما ينجح عندي إلا اللي يستاهل .
تكفون قولي لي عليّ ضرر ؟؟؟؟؟؟
والله وسوست أنا تعبان نفسياً احيان اقول ليتني منجحهم ومفتك منهم واحيان اقول لا حرام ما يستاهلون والله مو من مصلحتهم يروحون ثالث ووضعهم دمااار !!
ابي شوركم ؟؟
( أي خطأ بالكتابة ترى والله مالي خلق أعدل افهموه ع الطاير )
رد مع اقتباس
