الحفلة كانت رائعة ليلة البارحة الخميس 22/6/1426هـ في قصر السلام بمكة جمعت كلا من مستور العصيمي عميد شعراء المحاورة وحبيب العازمي اخطر شاعر محاورة وزيد المطيري شاعر مطير ومحمد السناني الشاعر الداهية
واستطعت ان اجمع لكم هذه المحاورة التي دارت بين العصيمي والمطيري
[poem=font="Simplified Arabic,5,black,bold,normal" bkcolor="transparent" bkimage="backgrounds/1.gif" border="solid,4,sienna" type=2 line=0 align=center use=ex num="0,black"]
زيـد :
ياسلامي على الحضار في حفـل روق=ردة ً مـا يجـوز العـذر مـن دونهـا
يالعصيمي علوما ً ترفع الـراس فـوق =مـا تغنـي بهـا ليلـى ومجنونـهـا
مستور :
ياهلا مرحبـا عـداد نـوض البـروق = وعد مـن طـاف بالكعبـة وبركونهـا
دور الغاليـة يازيـد فـي كـل سـوق = غنّ لحنـك وخـل ّ النـاس ولحونهـا
زيـد :
لا تشين القلوب ولا تضيـع الحقـوق = الامـانـه نرجـعـهـا لمامـونـهـا
يالسان الكذوب اسمع لسان الصـدوق = تضحك الناس لـو ّ الشـر ّ بعيونهـا
مستور :
مالكم حق صايـب ياوسـاع الحلـوق = ياهل الشجرة اللـي مالـت اغصونهـا
من يصدق لسانـك ياوسيـع الشـدوق = انطفـت جمـرة ً فـي راس غليونهـا
زيـد :
الشهادة من اللـي ماعليهـم طقـوق = يستـعـد ّون للكلـمـة ويحمونـهـا
شرعنا شرعنا يقطع يميـن السـروق = الـدروب الوسيـعـة ماتشوفونـهـا
مستور :
الجمل في قيـاده والبهـم فالـرّ بـوق = ويـن رعيانهـا مـاعـاد يرعونـهـا
خلّها لين بكـرة مـن منامـك تفـوق = الرحـى يالعضالـة زان مطحونـهـا
زيـد :
كـل دقنـا ً تعـدّاه العلـوم امحلـوق = ولا نصلـي الصـلاة اللـي يصلونهـا
شجرة ً تشرب الما من طوال العـروق = مـا يجيهـا اليبـاس ولا تقصونـهـا
مستور :
لا حصل لك صبوح ولا حصل لك غبوق = كان مجنون غيـرك نـاس بجنونهـا
ياعضالة تـرى مانـي بحـلاب نـوق = اعـرف اللـي ليـا درّت يحلبونـهـا
زيـد :
انت شاعر ولك رغبـة وميـزة وذوق = مير خـل البضاعـة وصـط كرتونهـا
يالعصيمي ترى مايحلـب الا الفشـوق = دوروهـا علـى الفـاقـة وتلقونـهـا
مستور :
شيلها فوق راسك طوق من فوق طوق =وشنبى من قـدور النـاس وصحونهـا
العن ابليس ياراعي الحصان السبـوق = خلهـا خلهـا تمشـي علـى هونهـا
زيـد :
حصلت غير راسي راس عشق امعشوق = وبركتهـا لذيـك الـروس وقرونـهـا
كان سلمت ولا جوها عيـال الشـروق = بشـرت بالعلـوم الـلـي تعزونـهـا
مستور :
انتهى التمر من روس النخل والعـذوق = مابقـى الا سبـاع تحـدد اسنونـهـا [/poem]
ثم استمرت الحفلة رباعية بين العصيمي والعازمي من جهة والسناني والمطيري من جهة اخرى وقد كانت رائعة جدا جدا الشريط في مكتب القصير لمن اراد وتقبلو تحياتي
رد مع اقتباس
