يا زين كثر الهرج ماثاب هراج
عندي قليل اجيك ولا انته اجني
وان كان فيه احراج انا ضد الاحراج
الله وكيلي المناويخ هجني
فرخ النعامه كـــنه بصاط ميراج
وقد لبسه مردد من الجن مجني
عليه لي منهاج في ظلمة الداج
وموقعك في راسه سجين وسججني
منه اغتني عن قول طرقه ومحتاج
اجيك رمشك مالمس حمر وجني
جاك المريض وراحة اكفوفك اعلاج
سقمي نداها من نسيجه سنجني
ومن عاتق الخمره وراء ساحل العاج
مابـــــــــــــــل منه الريق الابنجني
ومن همسك انسى صوت سبب لي ازعاج
يفدا قدمك اقفيت عنه وهرجني
لبا جبين الــبــدر والــــــصدر ديباج
ومــــتنثر الياقوت فوقه هل اجني؟
وتـــــــوام درر منتحته العود ينعاج
ريان يلعب لــــعبه اللي بهجني
ونورنن يوفـــــــــر مشترا قاز وسراج
ياسراج ليلي ويلي اللي سرجني
وحسنن كــــــفربي يوم الاسلام منهاج
من فعلة الجاني قطع قلب مجني
راضي بفعل اللي بعد كتبه الـــــزاج
جف وطوى كتبه على اسم فلجني
طويتها والعوج من دونها سيـــــاج
على قراح وملح طبع كلجني
وجه الشبه في ودك اعداد واخــــراج
مجنون ملتبسه من الجن مجني
رد مع اقتباس
