أقرا موضوع مهم ...... لكل عضو في المنتدى ...

[الطير]

موضوعي عبارة عن نقاط كل واحد يقراها جيد وقبل كل شيئ يفكر فيها ..


* الواحد منا اذا دخل موضوع في هذا المنتدى واراد أن يرد على موضوع يرد بأسلوب تحطيم يخلي الواحد معد يكتب (( يأخي وش بيضرك لو شجعته )) ... طبعاً بعض المواضيع وبعض الأشخاص ويمكن يكون بعض المشرفين ...

* اذا الواحد منا كتب موضوع وتعب فيه يقولون شايفينة في منتدى ثاني أو من عضو في المنتدى زي ما حصل للبعض منا (( طيب يمكن حصل صدفة وتشابهة الموضوع مع الثاني يعني للازم تزعل )) ... هذي أهم نقطة ..

* بعض المواضيع تكتبها وتجيب معلومات قيمة ولكن تلاحظ ما يرد عليك إلا واحد أو أثنين (( يأخي ردوا وش بيضركم )) ... هاذي والله صادق فيها بالحيل ..

* قراءة في بعض المنتديات طرد لبعض الأعضاء المتميزين في الكتابة (( ليش علشانهم غلطوا في كلمة واحده طيب أجلس معه فهمة مرة أثنين وثلاثة )) ... أشوا أنها مهيب في منتدانا ...

* بعض المشرفين هداهم الله (( طبعاً في منتدى ثاني )) يحذفون المواضيع الي ما تعجبهم أو بالمعنى الصريح العضو الي ما يحبونه أو متزاعل معه (( ما درى أنه يضر المنتدى أولاً ثم نفسه )) ....

* بعض الأعضاء نجدهم فقط يردون على مواضيع الأخرين ولا نجدهم يكتبون (( ليش مستحقرين أنفسهم في الكتابه )) ... خلك واثق من نفسك وأكتب ..

* بعض الأعضاء نجدهم عجازين في الرد وتلقاه ياخذ رد فلان وينسخة وقضينا (( يأخي كل واحد له رد يخص به نفسه )) .. نقطة حساسة ..

هذي بعض النقاط لعلها تداوي بعض الجروح ...... لأنها جايه بقلب صادق محب لهذا المنتدى ...

آآآآآآآآآآمل الرد على الموضوع ...... والي عجاز هذا شيئ ثاني ..

الدكتور / الطـــــــــــــير (( طير الحب ));)

[الأميرة الناعمة]

اخوي الغالي الطير

نقاط جدا مهمة و تشكر على ذكرك لها

و يا ريت الكل يعمل فيها

بس حبيت انوه على شي

نقطة حساسة ..

ايش فيها نقطتي :D

<<<<<<<<< راح تنشات

يسلمووووووو يا عسوووووووول

سوسي

[إعصار نار]

.
.

أخي الطير...

صباح الخير ...

عندما يستفهم أي عضو من بعض المواضيع التي قرأها في منتديات أخرى أو شبيهة لها فإن من حقه الإجابة على إستفساره ... فمن غير المعقول أن تكون المصادفة كما ذكرت في كل حرف .. وحتى طريقة العرض من ناحية المسافات والفواصل والخاتمه ... ثم أنه لن يضرك الإيضاح ... حفاظا على حقوقك الفكرية ....أو حقوقه الفكرية ...!!!!!!!!!!

دمت بخير ...

عسيب

[الطير]

أشكركي أختي حساسة على الرد الجميل ( مهوب بعض الناس ردهم ؟؟؟ ) ...

وننتظر باقي ردود الأعضاء ( ما فيه إلا حساسة وين البقية ) ..

[الطير]

ثم أنه لن يضرك الإيضاح ... حفاظا على حقوقك الفكرية ....أو حقوقه الفكرية ...!!!!!!!!!!

يعني أنك تتهمني صح ... طيب الجاي سوف يكون أجمل وخاصة في ردودي لمواضيعك التي سوف تكتبها ( هذا ليس تحدي ) ...

ومشكوووووور على الرد ...

[مفرح بن مناحي]

أخي العزيز .. الطير

نقاط جميلة ورائعة ...

ولكن هناك بعض الأعضاء لا يتفهمون وضع المشرف ...

فالمشرف مسؤول عن كل ما يكتب عنده في منتداه ....

وتجد بعض الأعضاء يعتمدون على نقل المواضيع .. أو أنها سبق كتابتها في المنتدى ..

وعندما يحذفها المشرف .. تجد العضو يتضايق ... لمااااذا ؟؟

أما مسألة الاستقصاد في حذف الردود .. فذلك أمر غير مقبول ... وخاصة هنا في منتدانا ... فالجميع يكنون الاحترام والتقدير لبعض ...

لدي نقطة .. أجدها مهمة .. نحن هنا وفي المنتديات بصفة عامة .. نتخاطب بلغة الكتابة .. أي أنك أحيان تريد إيصال فكرة لعضو آخر .. ويخونك التعبير الكتابي ..
ويحمل على غير ما تريد ... لذا علينا أن نقدم الظن الحسن فيما يكتبه الآخرون لنا ...

أخيراً أشكرك أخي الطير على طرحك الجميل والمبسط ...

أخوك / سهم المنايا

[راعية الشوق]

[ALIGN=CENTER]
صباح الخير عزيزي الغالي

مشكور كثير على طرحك لموضوع عشان تتضح اشياء كثيره وانا شخصيا بجاوب من خلال تجاربي عن النقاط اللي ذكرتهم صوراحة حلو انك تكتب هذي الاشياء عشان يعرفون الاعضاء والمتواجدين كلهم بعض النقاط اللي مهمه للجميع


انا ببدا نقطة نقطة وتحملني اخوي الغالي

((الواحد منا اذا دخل موضوع في هذا المنتدى واراد أن يرد على موضوع يرد بأسلوب تحطيم يخلي الواحد معد يكتب (( يأخي وش بيضرك لو شجعته )) ... طبعاً بعض المواضيع وبعض الأشخاص ويمكن يكون بعض المشرفين ...))

اخوي بالنسبة للنقطة الاولى شوف عزيزي الغالي في ناس كذا اسلوبهم في ابلكتابه والحياة يعني في ناس تحس انهم يعاملون بطريقة جافه لاخر درجة وينتقدون بطريقه قاسية بس هم في داخلهم احتمال يكونون طيبية بس المشكلة انهم كذا يتعاملون مع الناس اللي يحيطون معاها
انا معك انه الواحد لما يرد على موضوع اي شخص لازم يحط بباله اشياء كثيره هو العضو ليه كتب اكيد لانه حاب انه يضيف شي له شخصيا او حق غيره يعني حرام بعد انه يكسر بخاطره ويتعامل معاملة قاسية وصدقني اخوي ترانا كلنا مرينا بهذا الموضوع ولا تظن هي فئة قليله


((* اذا الواحد منا كتب موضوع وتعب فيه يقولون شايفينة في منتدى ثاني أو من عضو في المنتدى زي ما حصل للبعض منا (( طيب يمكن حصل صدفة وتشابهة الموضوع مع الثاني يعني للازم تزعل )) ... هذي أهم نقطة ..))

نقطة بعد جميلة انا بقولك المقصد من بعض الاعضاء انهم يقولون انهم شايفين هذا الموضوع في مكان ثاني هو من وجة نظري الحقيقه بالمواضيع يعني لما تكتب موضوع منقول قول انه منقول عشان يكون في مصداقيه وهذا شي حلو عشان الواحد يفرق بين موضوع ناقله موضوع تعب شخصي هو قام بكتابته طبعا انا معك في انه لازم يكون في تشجيع وحتى لو شفت الموضوع قول شايفه بس بعد اعط وجة نظرك واعط شكرك للعضو عشان يكون في دافع وهو حتى لو كان منقول اتصور انه بعد قراه وتعب انه نقله وحب انكم تشوفونه


((* بعض المواضيع تكتبها وتجيب معلومات قيمة ولكن تلاحظ ما يرد عليك إلا واحد أو أثنين (( يأخي ردوا وش بيضركم )) ... هاذي والله صادق فيها بالحيل ..))

معاك حق اخوي الغالي للاسف انه اغلب المواضيع الثقافيه ما تحمل اصداء جميلة مش في هذا المنتدى بس اخوي الغالي بشكل عام في جميع المنتديات لو تدخل الدرا الثقافيه في اغلب المنتديات تشوفها تفتقر للقراء والاعضاء اللي يكتبون عليها واكثر الاعضاء ينتقلون لكتابة المواضيع السوالف والغشمرة مع انه االثقافه كنز بس لازم الواحد يعرف قيمتها صراحة قهر لما تكتب موضوع ومحد يرد عليك فيه مع انه موضوع قيم انا اعرف هذا الشعور بس اخوي الغلط فينا نحنن اذا قدرنا نغي اللي فينا ونخلي انفسنا اكثر تفتح للاشياء الجيده هذا بصير شي حلووو

((* قراءة في بعض المنتديات طرد لبعض الأعضاء المتميزين في الكتابة (( ليش علشانهم غلطوا في كلمة واحده طيب أجلس معه فهمة مرة أثنين وثلاثة )) ... أشوا أنها مهيب في منتدانا ...))

شوف اخوي انا يعني بتكلم في هذي المووضع بشكل كبير لاسببا معينه اول شي انا اكتب في كثير من المنتديات وفي منتدى من المنتديات اللي احبه كثير على قلبي لانه من المنتديات الكثير جميلة وراقيه في مواضيعها وبحكم اني مشرفه في بعض المنتديات اللي اكتب فيها بقولك شو يصير في موضوع الطرد
شوف اخوي العضو ما ينطرد عشان كلمه لا اخوي الغالي بالعكس كل ادراه تحب تعطي فرصة للاعضاء عشان ما تطردهم لان بطبيعة الحال المنتدى ما يكون جيد غير باعضاه وهذي النقطة يعني يحذر العضو اكثر من مره وبعدها اذا شافوه ما يتقيد ببلانظمة يطرد بس انه ينطر كذا لا والله
اعرف مره شخص عضو كان معاي باحدى المنتديات غلط على بنت ويانا وكان كلامه جدا سيء بمعنى هذي الكلمة صدقني وطرد لما طرد غير اسمه وراح يكتب ويغلط على المنتدى كله ولاني كنت مشرفه ارسل لي رساله قالي ياريت تحذفين اي موضوع تكتبه هذيك البنت الي غلط هو عليها تخيل الموقف اخي الغالي يعني احيانا يجيك ناس ما يتحلون بمبدا الاانسانسه حتى وهذول يستحقون انهم يطردون لان روية اساميهم بصراحة غلط
الحرمان او الطرد اخي الغالي يعتمد على اشياء معينه يجب انك تراعيها وبعدين حتى الكالم وحتى لو انت مش عاجبك شخص معين مش يعني هذا انك تقوم بطرده او الاساءه له الن غلط هذا التصرف


((* بعض المشرفين هداهم الله (( طبعاً في منتدى ثاني )) يحذفون المواضيع الي ما تعجبهم أو بالمعنى الصريح العضو الي ما يحبونه أو متزاعل معه (( ما درى أنه يضر المنتدى أولاً ثم نفسه )) ....))

معاك حق اخوي هذول المشرفين مع احترامي للجميع ما يستحق انه يشرف لانه اصلا غير مشرف على نفسه وذاته كيف يشرف على قسم للاسف هذا من الناس اللي بالنسبة لي ما يستحقون الكتابه لانه مهما نحن نحب ناس او نكرهم هذي اشياء داخليه مش يعني انا نخليها تطغى على انفسنا ونقوم بهذا التصرف ومعاك حق تراها موجوده كثيره في المنتديات كثيره


((* بعض الأعضاء نجدهم فقط يردون على مواضيع الأخرين ولا نجدهم يكتبون (( ليش مستحقرين أنفسهم في الكتابه )) ... خلك واثق من نفسك وأكتب ..))

هذيث نقطة نحط تحتها الف خط ليش ؟
عشان حبيت اقول حق الجميع مافي اي شخص ما يعرف يكتب كل شخص فيه ابداع شخصيي والاحساس اصلا ابداع اشلون ما يقدر يكتب احب اوجه دعوة حلوة للجميع ان شاء الله يسموعن كل واحد يعرف يقرا يعرف يكتب ويرد وياريت الجميع كذا يركزون بهذه النقطة لازم نجرب ونغلط عشان نتميز

((* بعض الأعضاء نجدهم عجازين في الرد وتلقاه ياخذ رد فلان وينسخة وقضينا (( يأخي كل واحد له رد يخص به نفسه )) .. نقطة حساسة ..))

صح كلام لازم كل واحد له رد خاص نابع من داخله واشياء او مبادىء خاصه متربي عليها
والمنتديات هي ساحة نقاش وزيادة ثقافه

هذا هو ردي الطويل جدا اعذرني اخي الغالي بس حبيت ابدي رايي بالنقاط وموضوعك جدا مهم يهم الجميع وبيفتح قلوب كثيرين منا عشان يكتبون اللي في خاطرهم

اخي الغالي لا تزعل من حذف موضوع او اي رد كن متفائلا كن واثق من قدراتك تذكرني بنفسي دايما لما اقول شي ويبغي اي شخص يغير نظرتي ما يقدر لاني مقتنعه باشياء وما ابغي اغيرها اذا كانت اكيد اقناعات صائبة بس لو خاطئة اكيد ابغي اصلح من نفسي

تقبل فائق شكري واحترامي وايد كتبت في الموضوع

راعية الشوق[/ALIGN]

[الرئيسة]

صراحة كلامك حلووموضوعك حساس


بس مثل ماقال سهم المنايا

المشرف يكون مسئول عن ما يكتب في القسم الذي هو موجود فيه وهذي أمانة
نعتبرها

فعندما يحدث حذف لإشخاص لمجرد أن يكره هذا الشخص هذا لا يجوز وسيحاسب من يعمل هذا العمل من الله قبل الإدارة

وأما بالنسبة للردود والله بعض المواضيع تعجبنا لكن الوقت لا يسمح بالرد نظراً لكثرة المشاركات

وصراحة أنت مشاء الله عليك بدأت تأتي لنا بكل ماهو مفيد

ونتمنى منك الإستمرار حتى وإن حذفت بعض منها

وبارك الله فيك

[أبوعبدالرحمن]

أخي / الطير

كلامك جميل ومنطقي واتمنى لأن نبتعد عن مثل هذه التصرفات التي لا تمت للنصح بصلة

وأن يكون تعاملنا في اطار اخوي

طير الحب

اشكرك على هذا الموضوع وعلى مواضيع اخرى لك تحيي فينا روح الاخوة التي هي اساس تواجدنا هنا

[راعية الشوق]

انا معاكم انه اي مشرف يكون مسوال عن القسم اللي عنده وهي امااااااااااانه

تحياتي

للجميع

راعية الشوق

[JAWAD]

لا تعليق

لاني حاس الموضوع فيه !@#$%^&*)()

والله اعلم


تحياتي للجميع