اليكم هذه المتواضعه
التي وجدتها بين ادراجي
وقد اكل عليها الزمن وشرب
متمنياً ان تنال رضاكم
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الف اولف من حسين المعاني =عن ما بقلبي عبر ابهن لساني
فالصاحب الي سهم حبه رماني= واله اتعناء لوتطول المسافات
والباء بلاني حبكم ياريش العين=وشلون يسلي القلب وانتم بعيدين
والصبر اجيبه ياريش العين من وين= صبري نفد معاد للصبر حيلات
والتاء تعاف العين لذ المنامي =والجسم عيت لاتشيله عظامي
ارفق بحالي ياحسين القوامي=لجلك عيوني تسهر الليل مابات
والثاء ثمان اسنين عندك عددها =كني مضيع حاجتن ماوجدها
والي دراء عن حالتي ينتقدها= وانت السبب يابو عيونن كحيلات
والجيم جيتك وانت عارف مرادي = وحرمتني يازين شربي وزادي
انا بوادي وانت عني بوادي=ورميتني وسط البحور الغزيرات
والحاء حكمت وحكمك انته رضيته= والياحكم غيرك بحكمه عصيته
عهد المحبه بينا مانسيته=وافي بعهدك من ليالن قديمات
والخاء خياله مايفارق عيوني=وذي حالتي يالي تبا تنشدوني
والياعرفتو علتي فعذروني= مبغاء عليه تكثرون الملامات
والدال دربالحب مراً وحالي= وانا رماني فيه حسن الدلالي
الله يساعدني علي ماجرالي=همي ملازمني علي طول الاوقات
والذال ذقت المر مشين مذاقه=وحدتني الايام يم الرفاقه
ولقيت فيهم من كثيراً نفاقه= يضحك حجاجه كل ماشاف زللاات
والراء رجيت الله يحقق رجايه =انه ليجمعني بغاية منايه
لعلي انسي بعد شوفه عنايه= واسلى وبدل عسرها بالمسرات
والزاء زماني مايجيلي علي الكيف=عنك يحداني يامليح التواصيف
ويالله يالمعبود وال التصاريف=تفرج لمن ضاقت عليه الوسيعات
والسين سالت دمعتي فوق خدي=وبيحت عندالناس ماخفيت سدي
لاهوب ذا ودك ولاهوب ودي= غصبن عيوني هلت الدمع عبرات
والشين شبت نار داخل ضميري=حدب الضماير زاد فيها السعيري
على عشيراً ماش غيره عشيري= قربه ينس القلب عن كل مافات
والصاد صادني عيونن كحيله= ام الرموش الناعسات الضليله
وان كان مت انا تراني قتيله=اخذو بثاري يوم للثار عادات
والضاد ضيعت الفكروالبصيره=ومن يوم شفته صار فالعقل حيره
مالي جداء والحال والله خطيره=الا الحق الونه يجي عشر ونات
والطاء طواني حب سيد البناتي=وحبه سكن فالقلب علمن ثباتي
راع الهواء ليله تراء مايباتي= يمشي دروبه كلها دون مشهات
والظاء ظهر شيبي وتوي شبابي=ويلوم حالي واحداً مادرابي
مايدرين الحب سهمه سطابي=وخلاني امشي فالدروب العسيرات
والعين عن كل الغناديرصديت=لونهن عندي ملن ساحت البيت
مافيهن الي في فوادي تمنيت=مالي بهن لو قدموهن هديات
والغين غامرنا بحر المحبه= واثر بوسطه للمحبين غبه
فيها رماني من نسي عفو ربه= يلفني موج البحر عشر لفات
والفاء فدنك لابسات البراقع=والي تحط الكحل وسط المدامع
ويفداك منهو في تخطيه مايع=اطي وطيتي فوق كل الحسينات
القاف قلبي منك يبست عروقه=وحرقت قلبن زايداتن حروقه
دايم همومه لجل شوفك تسوقه=همه يسوقه سوق في كل حزات
والكاف كان اني علي الوصل مشفي= وانته بقلبك ياريش العين مقفي
انشدني مثل من يطرد الفي= اطرد سرابن لاح في وسط مضمات
وللام لوعني فراقك وبعدك= ولانحتمل يازين هجرك وصدك
اعطف علي من بالموده يودك= اجروح قلبه من بعادك عطيبات
والميم مبغاء تستمع فالعذولي= الي بقوله كل يومن يقولي
الي بياء حبل الرجاء مايطولي= الله يحمله الحمول الثقيلات
والنون نوم العين عياء يجيها=وشلون ترقد همها مقتفيها
زايد سهرها والبلاء صار فيها=عزي لحالك يالعيون الشقيات
والواو ويلي من محبتك ويلي= والجسم من سبتك غادن نحيلي
انشهدنه منك حالي عليلي= ودواي عندك ماتفيد العلاجات
والهاء هناي بدنيتي يوم لقياك= ومستحيل اجفاك يازين ونساك
عمري قضى يازين في ضل رجواك=عايش على الرجوا سنينن طويلات
والياء يصلي كل منهو سمعها=على نبين كلمة الله رفعها
الي يهود قريش حطم بدعها= شفيعنا يوم الليال الصعيبات[/poem]
رد مع اقتباس
المشاركة الأصلية كتبت بواسطة ذيب ابراهيم
