[align=center]
الأخوه في هذا الصرح الحر
للتواصل مع هذه الكوكبه
نقول
.
[poem=font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
كلْمتينك جنّبت درب الصواب=يوم قلت انك متكلّف بسببي
ونْك عايش أربع فصولك عذاب=وان (كورة) حبّنا في ملعبي
مخطي(ن) .. ماجاب ليّ الاكتئاب=وْلاقعد يطغى على حلمي اغْضبي
غير منّك .. يامَـنِــيني .. سراب=كل ماجيت آصله زاد اتْعبي
عيني تشوفه ولكن الاقتراب=منْه .. يسهل بس فـــ عيون الغبي
فاتني .. ياسيد تلعات الرّقاب=ليه ضوّك ماتشبّ الاّ حطبي
عيشتي منّك تغشاها ضباب=حرت ويني منْك ولاّ ويش أبي
لاقربت أدخلك جاني ألف باب=والمصيبه كلّها للأجنبي
فوق هذا كنت للطرقي زهاب =ومن حكالك غير ماقلت .. ايهبي
لـنّ قلبي طاهرِ طهر السحاب= سابيه حبّك يامحبوبي سبي
نبضه يحبّك كثر.. حَبّ التراب=وأكثر أكثر منّها يامعذّبي
لكن الخاطر بعد ماصار طاب=عفت قسمي منك ياشبه الظبّي
يوم ماتحسب لأشواقي حساب=خل شاميها يفك المغربي
ياحبيبي قبل لايفنى الشباب=خلّني باعيشها عادي صبي
خلني داله بلا جرح ومصاب=خلّها مرّه توافق مطلبي
وانت مخطي وْلاتزيد من العتاب=ماخِلِق فينا امْعصوم الاّ النّبي[/poem]
.
أخوك
فهد بن عبدان[/align]
رد مع اقتباس
المشاركة الأصلية كتبت بواسطة فهد بن عبدان
