[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
حـذورك تتبـع القـفـا والمقفّـيـن=وحذار مـن مواطي (ن)فـي الخساسـه
درب الدعاثه مسلكه أمحـق وشيـن=ومن رضى الدنس يحسّـس براسـه
ومن رضى بالـدون يذكـر بالادنيـن=وعليه يشرهـون ربعـه ونـا سه
ويصير حاله مثل مـن يركبـه ديـن=يمشـي بنهـاره ذل وليلـه تعـاسـه
ومن حكى لك يـوم بيقـول يوميـن=فيـك فحـذار منـه يابـو الفراسـه
ومن كال صاع (ن)لك فلا بـد صاعيـن=يكيلهـا علـيـك غــل ونجـاسـه
هـذا المنافـق فاحـذره فيـه قلبيـن=ولاّفعقلـه منكفـي مـثـل طـاسـه
سرّك لا تودعه (فاذا جـاوز اثنيـن)=شاع الخبر مير ادفنـه مـن أساسـه
وان جو الجماعه صف لا تحطّ صفّين=خلك مع العـرب وتكسـب حماسـه
وان ضاف ضيفك أكرمه وانحر الزين=مـن أولـه تـرى التوالـي طفاسـه
وخويّك ارفعـه علـو ينظـربعيـن=أريت كيف الغايـب يوخـذ مقاسـه
وقريبك اوصلـه ولـه مـد حبيليـن=للـود حبـل وحبـل آخـر سياسـه
وكلامك اوزنـه قبـل تنطقـه بيـن=النـاس وفلتـة اللـسـان انتكـاسـه
(لسانك احصانك) وهو بين حصنيـن=لا تفلـتـه الا بلـجـام وكـيـاسـه
لا تخـاوي الذليـل فيذلّـك اجبـيـن=ومن يخـاوي الـذل يـارث تياسـه
وابعد عن الكـذوب بحـدود قطريـن=لا تقول الا الصـدق تنـال الرياسـه[/poem]
تحياتي لجميع الأحبة
رد مع اقتباس
المشاركة الأصلية كتبت بواسطة بروق العين
[/align]
