[poem=font="Simplified Arabic,4,purple,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ليتك معي وتشوف حالي بلياك = وتشوف دمعي كيف ينزل سكايب
غديت مابين العتاب وجفاياك = وقلبي من الهجران والصد ذايب
اتعبتني ياكامل الزين وياك = واتعبت قلب ٍ شاف منك المصايب
كل ما اسج يضيع فكري بطرياك = تقفي وتقبل مع نسيم الهبايب
ياوجد عيني كل ماذكر حلاياك = كني اشوفك حاضر ٍ وانت غايب
واليا طرت عينك وضحكه محياك = يصير حالي من بعدها خرايب
ليتك تذكر يوم أهلي بحياك = وانا خفوقي من جروحك عطايب
تهديني جروحك وغيري هداياك = وتحسبلي الحسبه بكبر الضرايب
اصبحت من جورك وجمله خطاياك =جسمي شباب وداخلي صار شايب
ان كان غير الصدق تخفي نواياك!! = انا اسوق الصدق مابه شوايب
ياويل حالي كان بانت خفاياك = انا اشهد انك صرت كلك عقايب
المشكله لا صرت هاوي كواياك = أرفق علي شوي مادمت طايب
لاقلت احبك عايشٍ وسط دنياك = لا..لا.. ترجعني من الشوق خايب
محد ٍ يسوي ياعيوني سواياك = لا من بعيد الناس ولا من قرايب
ماني بمنكر ياحبيبي عطاياك = بس انت لا تنكر قلوب الحبايب
اياك يامضنون واياك واياك = يصبح غرامي من تجافيك هايب [/poem]
فالح الشلوي
رد مع اقتباس
المشاركة الأصلية كتبت بواسطة عـذب الأوهـــام
