[poem=font="Simplified Arabic,5,black,bold,normal" bkcolor="transparent" bkimage="" border="groove,4,gray" type=1 line=0 align=center use=ex num="0,black""]
ياشينها لا صرت مقبل على الموت = واهلك يشوفون التعب في عيونك
لا صارو اخوانك سوا حولك..سكوت = كلٍ يفكر همهم يفتدونك
واخوك الاصغر يرفع الصوت والصوت = من قوّ قهره صار رجف متونك
جاك الطبيب وهز راسه على الفوت = فات الاوان ولا قدرو يلحقونك
صاحت عجوزك قليها صار مفتوت = تبكي ويبكي كلّ منهم يبونك
قالو تشهد واطلب الله لك ثبوت = يحميك ربك من جهنم يصونك
في هذي اللحظه دخل شخص مبخوت = اسمه( حبيبك ) صار ينظر عيونك
ام العيال اللي مثل قطعة التوت = ما فكرت تغدرك ولا تخونك
قالت: حبيبي كيف تتركني تموت..؟ = من عرسنا لليوم ما اقوى بدونك
ساد البكا والصدر بالحزن مكبوت = والناس تسمع عن مصيبة فتونك
شفت الوضع يا قاري الموت ببيوت = لابد هذا اليوم يسرق ظنونك
احسن حياتك لا يغرك دفا الكوت = نار اللظا اقوا عساها تخونك
بدل ثياب الشر بالخير وبشوت = واحسن صفاتك زين منهم يبونك
الآدمي بالزين والشين ... منعوت = اختر مسارك قبل تعلن جنونك
وختامها يا صاحب الحق والصوت = احسن ختامك قبل تشخص عيونك
وصلاة ربي عد ما نكتب بيوت = عليك يا نور الهدى ما يفونك
[/poem]
رد مع اقتباس
(الحزن الرغيد)
