[poem=font="simplified arabic,6,black,normal,normal" bkcolor="transparent" bkimage="" border="none,6,gray" type=1 line=0 align=center use=ex num="0,black""]
لعيونك السود ولا حظنك الدافي=اجيك ون جيت صوبك جيت باغيها
انا قتيل الثمان وليلك الطافي=وخمايل الورد والي في حراويها
انا معك شاربن من عدك الصافي=وبعض الحكايات تكتب من مباديها
شفني نصيتك يمرباعي ومصيافي=وباقي علومي من اولها لتاليها
من عقب عرفك ونا طيب ومتعافي=ون غبت عني جروحي من يداويها
امشي علا جرتك لو يسفي السافي=جرة مواطيك لبيها ولبيها
يابنت انا لي ثلاث ايام ياكافي=من طلعت الشمس لين ايغيب نصفيها
ابحث حقايق زمان(ن)راح متخافي=ومولع النار لا بده يطفيها
انكنت وافي فلا في ذا الزمن وافي=خل الخرابيط عنك ولا طريها
وكان المشاريه جاتك في حضن قافي=ونت القصيده تبي تفهم معانيها
خلك معي في زمان(ن)صرتبه جافي=حتا تعود المياه الى مجاريها [/poem]