" السما = السماء .. لرض = الأرض .. النسا = النساء .. لنّي = لأني "
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
غيم السما كُثْر مايَحْفَظ وقار الرمل=طاح وسقا لرض وأبتلّت عروق الظمان
ياضيق تفكير من يَحْقُر بخلق النّمِل=وياوسع تفكير من يَحْفَظ حقوقه عشان
مالله خلق شي إلا لجل يدّي عمل=ومالله خذا شي إلا لجل يعطي ضمان
العَدْل خلّا النسا تَقْبَل مَرَار الحمل=والظلم خلّا البشر ترفض تعايش سِيَان
إنْ كان ف/الوقت هذا أي حاجه مُمِل=شعوري اللي يحسّسني بحاجة أمان
حمّلني الوقت لكن فوق ما أحتمل=مَعَ إنْ قلبي معرّى للحزن من زمان
أجهل شعور الطفوله قَبْل ما يكْتمل=لنّي مودّع طفوله عاد عمري ثمان
أبسط طريقة هروب امن الجروح الثمل=وأعذب طريقه توَص/إلك الجنون الحنان
ف/الحب لا لعثم إلسانك بسرد الجُمل=فإعْرِف بِأَن الخفوق أصدق غلا من لسان
حالت ظروف التنائي دون لم الشمل=وأستوطن القلب في ضل الغياب الهوان
به جرح لو يندمل ذكراه ماتندمل=وبه جرح تنساه لو يبقى بجسمك زمان
يا وجه الأيام لا تَعْبَس بوجه الأمل=عاد الرجا لو يطيح الحظ مثل الحصان
الضيقه اللي تخليني بعزم الجمل=أفضل من الضيقه اللي تنتخبني جبان
[/poem]
رد مع اقتباس
المشاركة الأصلية كتبت بواسطة سامي العطاوي
