[poem=font="Simplified Arabic,5,darkblue,bold,normal" bkcolor="white" bkimage="" border="none,4,gray" type=2 line=0 align=center use=ex num="0,black""]
اكذب عليك ان قلت لك انت عادي = وانك مثل غيرك...(وتبغى الحقيقه).؟
ما اظن مثلك يا حياتي يعادي = ويا بخت منهو جاورك لو دقيقه
وش لون لو انك بوسط الفوادي = حبك موثق والعلاقه وثيقه
انا اشهد اني دون كل العبادي = مرهون زينك والوصوف الدقيقه
تدري لو اني افقدك في بلادي ..! = اشد من داري واولع حريقه
واعلن ثلاث سنين وقت الحدادي = ينعيني اعدائي ومعها الصديقه
يجتاحني هم وكدر في عيادي = والسعد في دنياني ماني اطيقه
يبكي من بكاي الحجر والجمادي = حتى الزهر جاته مع الوقت ضيقه
والليل في ونه وفيها ازديادي = كله على شان الجروح العميقه
تدري اذا شفتك وكنك تنادي = احس صدري زايدٍ في شهيقه
خوفي يكون الصوت ماهو وكادي = واكون انا والهم شخص وصديقه
تدري متى ارتاح واكون هادي = لحظة اشم عطرك اللي تريقه
واضمك لصدري بكلتا الايادي = واعشقك عشقٍ فوق ماني اطيقه
لانك صراحه شخص ماهو بعادي = هذي الحقيقه كان تبغى الحقيقه
[/poem]
رد مع اقتباس
