غاب الحبيب اللي نعزه ونغليه
واقفا وخلاني على الدرب تايه
ياكثر ماعيني تحرى وترجيه
ومن كثر مرقب له تزايد بلايه
احيان اقول انه على البعد ناويه
واحيان اقول انه يجرب غلايه
هذا شهر واقفى شهر في حراويه
وانا على دربه تسابق اخطايه
حبه تجول وسط جوفي ومخفيه
هو الغلا كله وغايه منايه
الياء طرتلي بالليالي طواريه
قمت اتوجد من خلاي بخلايه
على الذي كن القمر نور خديه
ريمية (ن) فيها من الحسن غايه
والموت سهم العين كالرمح ترميه
وانا طريح اسهوم سيد الحكايه
اثر الغلا يذبح من الناس راعيه
ويورد العشاق حد النهايه
ابنتظر لو الهوى طال ساريه
وما ضنتي انها تخيب رجايه
وسلامة الجميع