السلام عليكم ورحمة الله وبركاته
اليكم هذه الابيات الوطنيه اتمنى تنل اعجابكم
مشاعري هاضت بمعنى قصيده=بأسم الوطن وجّهتها لوووجهانا
رسالة لأهل المبادي الحميده=لحكامنا وشيوخنا وومرانا
دولة هل العوجا حصون العقيده=عقيدة التوحيد فيها نشانا
عقيدة ن من كل بدعه بعيده=نشهد بها قيام وألها دعانا
والله مانقبل مساوي جديده=وماواجهوه اجدادنا قد كفانا
وحنا اليا حكت حديده حديده=تاريخنا يكتب ويعرف وفانا
في عهد ابوتركي يدينا بأيده=لن الجزيره جات تحت اعصانا
عقب القطاعه جت ليال سعيده=يحكم بها القاضي بامان وطمانا
وسنة رسول الله رساله مجيده=وعلى خشوم اللي يعادي وطانا
حكم رضاه الله لجملة عبيده=شريعة ن طول الزمن والمكانا
كم واحدن عنها قطعنا وريده=وافعالنا تشهد عليها اعدانا
بخيول وسيوف تلامع حديده=نآمر وننهى والله اللي هدانا
بسنة محمد ماهي بدعه جديده=وعن منزل الشبهات تكرم لحانا
منهاجنا سمح واصوله فريده=رحمه لكل الخلق مابه شطانا
الله خلقنا حكمتن لما يريده=شهود بارض الله نصون الامانا
واعمارنا حسبة سنين ن عديده=محفوفتن باقدار تجري معانا
والمملكه اليوم بنهضه وكيده=نهضة شرف تذهل عقول حسدانا
في ظل ابومتعب وايضا عضيده=سلطان ابوخالد ونايف نخانا
وسلمان يعرف فالأمور الشديده=وننخا عيال العود نخوةاخوانا
مايهمنا العايل للّي بريده=اللي يمشي قوتنا قدكفانا
الله ولا دنيا دنيه زهيده=لاصار فيها الرجل يمشي مدانا
يمشي بلا عز خصومه تكيده=كنه بدرب الهون يرضى المهانا
هذا كلامي واكتبي ياجريده=لجيل الوطن وبها نحذر اعدانا
تمت بذكر الله جمله مفيده=وصلو على اللي في طريقه نشانا
رد مع اقتباس
المشاركة الأصلية كتبت بواسطة سامي العطاوي
