×,’,يانآس ياعآلم الحقــوا جوالي...,’,×

[غرابيــل]

×
السلام عليكم..

مساء الخيرات..

كيفكم..ان شاء الله بخير..

<<من زمان عن هالقسم..لكن قدر الله وماشاء فعل..

الله يسعدكم صااارت لي مشكله في الجوال..

وابغاكم تسااعدوني..

والله اني اكتب وانا مقهوره ع الأخير..

السالفه...ومافيها..

امس..وحده قابلتها عند خالتي وطلبتني تشووف الجوال..

المهم أنا ع نيتي عطيتها..يوم شاافته قالت مره ملينا مايطلع لك ان الذاكره مليناه..

قلت لها لا الحمد الله..<<بلاه من زود الفغاره اللي فيني..:مزون:

المهم..

الوضع عا دي و ماصار أي شي بعد هذا كله..

قمت اليوم الصباح..

وفتحته..

فجأة طلع..

إمسح بعض بيانات الذاكره..

تخيلوا معاي الصدمه..وش امسح وش أترك..

كلها اشياء مهمه,,

المهم مسحت كثير كثير بالمره..وربي كأنها قلبي..دئلت

بس وش اصلح المشكله اني امسح وفيه رساله وصلت بس ماتفتح الا بعد مامسح زياده ..

وانا قلبي محترق عليها..

قفلت الجوال و فتحته من جديد..

ورحت للرسايل..

وفجأة مافيه ولا رساله..لا وسايط ولا نصيه ولامرسله..ولا شي..دئلت

تكفووووووووون....

ابغى ارجعها..لازم ترجع.

وع فكرع هي كلها محفوظه ع الميموري ..مو ع ذاكره الهاتف...

الله يسعدكم اللي يعرف الحل لايبخل علي..دئلت

وكثر الله خيركم..ومشكورين مقدماً..

×

[乂 مـحـمـد 乂]

هلا جوووود

جربي تشبكين الممري على جهاز الكمبيوتر

وتسوين له فحص عن الفايروسات

وبعدين تطلع لك الملفات بإذن الله

اتمنى تنجح الحركه

بالتوفيق

لا عدمناك

مودتي في غربتي

[غرابيــل]

×

هلا بك زود اخوي محمد..

المشكله اني ماعرف كيف اشبك الذاكره..

<<مالي في ذا الشغلات..

مشكور ع مرورك..

الله يسعدك ويجزاك الجنه..

لاخلا ولا عدم..

×

[ريف العين]

جود

ماعنديش خبرة بالجوالات دئلت

بس مثل ماقالك محمد سوي للميموري فحص عن الفايروسات

تجي مع الميموري اذا شريتيها قطعه بلاستيك صغيرة تركبين الميموري كارد عليها بعدين دخليها بالميموري ريدر بالكمبيوتر فيه فتحه تقريبا على حجم قطعه البلاستيك دخليها بالجهاز بس بشويش

افتحي جهاز الكمبيوتر وراح تلقين (جهاز او اجهزة قابل للإزاله ) افتحيها وبتلاقين كل ملفاتك اللي حافظتها بالميموري سوي لها فحص ووووبس

[وجن محمد]

والله مالي بالجوالات ماعندي خلفية

سوي مثل ماقال محمد

[صالح الروقي]

اختي جود الحزن

تأكدي انك محوله الرسائل على الميموري وليس على ذاكرة الهاتف

والله يعينك


تحياتي

[عطر طيبه]

اختي جود الحزن
ولا يهمك راح اشرح لك كيف ترجعين المموري بدال ذاكرة الهاتف

روحي للرسائل
وراح تجيك القائمة حقتها:
رسالة جديدة
صندوق الوارد
حافظاتي

وتحت على اليسار راح تحصلي الخيارات


اضغطي عليها راح تطلع لك ايضا مجموعة اختيارات زي:
انشاء رسالة
رسائل بطاقة sim
اذاعة محمولة
الضبط اضغطي على الضبط

راح تطلع لك ايضا قائمة

رسالة قصيرة

رسالة وسائط

بريد الكتروني

رسالة الخدمة

اذاعة محمولة

اخرى اضغطي على اخرى

وراح تطلع لك ثلاثه اختيارات اخر اختيار الذاكرة المستخدمة
واختاري memory caard وبعدها راح ترجع لك كل الاشياء المخزنة فيها

[ماجد]

الله يقطع شيطانك

انا قلت مصيبه عندها

طلع الاخت اللي اخذت جوالك الا لازم تكشف الرسائل
على الجهاز وغيرت النظام وتتدخل في الخصوصيه هههههههههههه

المهم اذا ماطلع حل معاك بعد كلام عطر طيبه
ردي علينا هنا

احترامي

[أنين الورد]

لو اقدر ساعدتك يالغلا

[غرابيــل]

×
ريوووفه..

هلا فيك يالغلا... ومشكوره كثير..

تعبتك معاي..بس للأسف ماضبطت معاي..

×
وجونه

تسلمي يالغلا..

شاكره مرورك..

×
أخوي صالح

..هلا فيك..

وأنا متأكده اني حافظه الرسايل ع الميموري..

بس شكلها راحت..الله يسعدك مشكور ع المرور..

×

عطر طيبه..

الله يحييك..

والطريقة اللي انت قلتها أنا اعرفها..وسويتها كثير..

حتى حسيت انه جاني حول وأنا ابدل من ذاكره الهاتف الى الميموري والعكس..


×

ماجد

هلا فيك خيووو..

بعدين وش ع بالك يعني عادي ان الرسايل تروح..

والله اني مقهوره عليها..<<احس انها جأتني عين..:مزون:

وللأسف جربت اكثر من طريقه بس ماضبط معاي شي..

مشكور ع مرورك..

×

انين..

تسلمي غلاتي ع مرورك..

لاعدمتكم كلكم..مشكورين..

<<نسيت أقولكم..اني قلت لصديقاتي بس ولا وحده طلعت تعرف..والله ماعندهم سالفه..
بس طلبتهم يرسلون لي الرسايل كلها من جديد..وعادي ماقوالوا لي شي..
بس قالوا ضفي وجهك مو ناقصين صرفيه..<<صح إني أحزن,ياحليلي..,

×

[وجن محمد]

هههه جود تعلمي ماتمدحين جوالك قدام احد بعدين يكبر راسه ويسوي لك حركات مالها داعي

[عطر طيبه]

جود الحزن

ليكون جوالك طاح و المموري تغير مكانها
شيكي عليها

[اشتقت لأيامك]

هلا جوووووووود
وربي صارت لي هالسالفه قبل اسبوع وللحين معي
بس وش سويت صرت اطلع الميموري شوي
وارجعها وبعدين اروح الرسايل _ الضبط _ اخرى _ واختار ميموري كارد
وترجع وللحين انا على هالحركه يارب يارب تنفع معاك

[غرابيــل]

×

وجن..

والله وش تبغين أسوي انا ع نيتي بالمره..ومأفكر بهذي الأشياء..

×

عطر طيبه..

لا ماطاحت..لأني خرجتها أكثر من مره وركبتها كثير بس مافيه فايده..

بعدين سألت كثير..والكل يقول مافيه امل ترجع..

<<الله يعوضني بخير..

ومشكور ع مرورك..

×

اشتقت..

هلا فيك يالغلا..

للأسف جربت اشياء كثيره..بس مافيه فايده..

مشكوره ع مرورك...

لاعدمتكم..
×

[فهده]

جود يا الب البي < تعبت عليها

انا اقترح تروحي لاقرب [شامي] حق جوالات

و توقفي فوق راسه

وان شاء الله تزبط امورك

اعرفلك واحد اسمو عماد بس المشكله انك مو في نفس المنطقه :مزون:

الله يعينك

سلام..