[poem=font=",6,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
كنت انا اقسى من ظروف الزمن واتهقوى=وكل عبدٍ يقـدّر لـه زمنـه وحضوضـه
ومن كثر ماتصارع مع مقاديـري اقـوى=لين صرت اتخيـر فالزمـان وعروضـه
هيه ياوقتي اللـي راح مـن دون جـدوى=يشبه لبرق ساري فـي قدوحـه ونوضـه
اتحسف على وقتي اللذي كنت انا اشـوى=غير ذا الحين مثل مصاب كثرت رضوضه
فاقـدٍ صاحـبٍ اسقانـي المـر سقـوى=بعده الحب والله اني مـا اقـدر اخوضـه
انا عزلت من عشـقٍ لروضـه وسلـوى=جعلهـم فـدوه لغـروٍ جذبنـي لفوضـه
صابني من شفات الزين ضيـمٍ وعـدوى=اضحك اليا ضحك وان قام اسابق نهوضه
اتحلـوى كلامـه يـاعـرب اتحـلـوى=وادرك ان بوحه لسمعي طغى عن غموضه
ويش سوى بعـد ماحبنـي ويـش سـوى=ساقني يم حوض الموت وشربت حوضـه
الهجر مـوتٍ احمـر للحبايـب وبلـوى=غير انا باختصر قولي ولاقـدر اعوضـه
والله ان شوفة الصاحـب تخلينـي اروى=وان غيابه يسوي داخلـي شبـه فوضـه
[/poem]
رد مع اقتباس
المشاركة الأصلية كتبت بواسطة صالح الروقي
