جايب لكم قصيدة منقولة
تعبر عن حال بعض اللي متزوجين ثنتين
يقول لي عايش في الهم والنكد نفسي عليله=ولايجيني نوم والخاطر معكّر والحليله
ماهو من البارح , ولامن امس , لي مده طويله=والناس قالوا لي تزوج قلت مافي اليد حيله
لولاد كبروا والشعر بيّض وخايف من (جميله)=باتقلب الدنيا علي لو عرفت إن عيني طويله
ايش البصر ايش الخبر ايش العمل ايش الوسيله=ذي مشكله والحل أتزوج ولاشي حل بديله
لكن شروطي واجده وبغيت لي زوجه نبيله=صغيّره وطيّبه ومكمّله حلوه جميله
وسألت في السر والخفاء ولحقت لي زوجه اصيله=وفي خلال اسبوع انهينا الخطوبه والدخيله
والهم كله راح من نظرات العيون الكحيله=ياريتنا دايم نعرّس والعرس ماشي مثيله
إرتحت راحه كامله أيام معدوده قليله=وبعد قامت مشكله بين الجديده والدويله
وكل وحده منّهن تطلبني أشياء مستحيله=الاوّله قالت أني الاصل والاخرى دخيله
والدار داري لاتقارني بهذيك الهبيله=ومعاك في خيرك وشرك في الخفيفه والثقيله
وعادني نأخذ ونعطي في الهوى ماني شليله=وانته خليلي من زمن والخل ماينسى خليله
والثانيه زعلت وقالت مستحيل أحيا ذليله=أني عزيزه غاليه ماجيت في يدّك سهيله
نزّلتني من برج ماحصلتني وسط المسيله=أوعدتني أني على دارك واموالك وكيله
والوعد يبقى وعد أو كلّين يمشي في سبيله=هذي مشاكلهن وهذي نارهن جنب الفتيله
بهذلن بي حوّشن بي , ثنتينهن نفس الفصيله=وبعضهم مثلي معه ثنتين في نعمه جزيله
زوجات منسجمات لاهذي ولاذي تشتكي له=مبسوط منعم لاتعب قلبه ولاتعبت رجيله
ونا معذّب منّهن وقتي يعدّي في زويله=مفروض يتفاهمن يتراحمن والرحمه فضيله
يرثين لي والخصم حتى لو نظر حالي رثى له=الله يهديهن ويهدي كلّ من ضيّع دليله
رد مع اقتباس
