[poem=font="Simplified Arabic,5,black,bold,normal" bkcolor="transparent" bkimage="backgrounds/18.gif" border="none,4,gray" type=2 line=0 align=center use=ex num="0,black"]
من دار غربه.. ارسل اشواق واشواق=للـي غلاهـم وسـط لعمـاق باقـي
واصدق تحيه.. كنّها الشهـد ينـذاق=واغلـى الامانـي باللقـا والتـلاقـي
دار(ن) غريبه مابهـا شـي ينطـاق=ياغيـر همـي للأسـف واحتراقـي!
صابر وصبري جاوز حـدود وآفـاق=ضايق وفكري من عنا الوقت ضاقـي
والعمر رحلـه كلهـا مشـي وسبـاق=كـل حـد يلاقـي ياعـرب مايلاقـي
دنيا عجيبه.. غدرهـا جمـر حـرّاق=تكويك وانتـه موثـق(ن) بالوثاقـي
دنيا عجيبه.. مالها شـرع واخـلاق=العالـم الله كيـف خلّـت رفـاقـي!!
حد عاش فيها عيشة إنسـان بـواق=وحد عاش فيها عيشة إنسـان راقـي
وحد ذاق منهـا مُـر دايـم ودفـاق=وحد كل حلو(ن) مـن لياليـه ذاقـي
وحد راح وقته بين تشويش وفـراق=وحد كان وقته بيـن كـذب ونفاقـي
وحد ضاع عمره.. قبل لايعرف إشراق=وحد مل عمره عقب طـول الشقاقـي
في دار غربه.. اكتب الشعر بـاوراق=والشعر عالـم فـي فضـاه التحاقـي
ماني بشاعر.. غير هـاوي ورقّـاق=لاضاق صدري صرت بالشعر شاقـي!
ويلي على اللي حبهـا بيـن لعمـاق=اللي غلاها ساكـن(ن) فـي المآقـي
هي نور عيني.. لي لها العمر ينساق=هي نبض روحي.. سلوتي وانطلاقـي
هي غاية اللي حطهـا داخـل احـداق=هي دار زايـد.. منوتـي واشتياقـي
ياالله عساها دوم فـي أمـن وإرفـاق=تبقـى عزيـزه.. دونهـا رب واقـي
ويامن رسمها بالوفـا بيـن لخـلاق=دايم ومجده فـاق مـن كـان فاقـي
لي شفت داري.. خذتها ضم وعنـاق=عن كل زينـه طـاب فيهـا عناقـي
صدق(ن) يقوله لي بعيد(ن) ومشتـاق=من (فكتورايـت) ليتهـا بالفراقـي [/poem]
ميونيخ - المانيا الاتحاديه
رد مع اقتباس
