بسم الله الرحمن الرحيم
هاذي أول مشاركه لي بصراحه عيني عليكم بارده كلكم شعار ما عليكم قصور لهذا السبب
أخذ رايكم بها القصيده وهي على بحر قديم ناسي أسمه أتمنى تعطوني رايكم بدون مجاملات
ونتقبل النقد بصدر رحب ما شاركنا إلا للفائده . ولكم أرق تحياتي.
نظره ومنها شابت الأجفاني ****** ومنها السهر موسوم بالأوجاني
أربع سنين وشوفهن قد مرن****** كنك وزاني وأنت ماأنت وزاني
أربع سنين وما أهتنيت بنومي****** إليا أغمضت عيني وطيفك جاني
أسهر إلين الصبح يبدي نوره****** أنسج بيوت البيت فوق الثاني
تعبت أنا يا راحتي يا شموعي******* اللي بها أطرد ظلمة الأحزاني
تعبت من جور الليالي وبعدك******* وتعبت من صبري ومن حرماني
أمسي وهمي والسنين وبكره******* وأنته وجرحي والملا وخلاني
أنت الوطن فيهم وغيرك غربه *****يا حر نار الشوق للوطاني
ياللي ما تدري بعشقك المستشري******* اللي غزاني وعن سواك أعماني
إن النفس يضيع لاجا ذكرك ********على لسان من في حبكم عاداني
يضيق صدري وتشتعل به غيره ******وأرجع لعالم فيه أنا وحداني
محدن معي يا كود بعض أخبارك *******اللي بعضها يسمم الأبداني
أمشي وأهذريبك بلاني ربي ********وحطك زماني قيدي وسجاني
بين الجنون وبين عقلي شوفك *******وشوف الظروف تحدني لجناني
ما عاد بي عزمٍ يقوي صبري******** ما غير شوقي لك غدى سلواني
أدري جرحتك بس ماهو بيدي******* حبكة حقود أصبحت منها جاني
أرجاك لا تقسى علي وتنسى******** وتثمر جهود الحاقد الفتاني
رويت حيره والظروف أدمتني *******وما جا من الدنيا ترى يكفاني
غربه وصبر سنين فقر وفرقا ********وهمٍ بجوفي عن الملا وزاني
أنسج بيوت الشعر وآجملها******** شاعر وماني بديوي الوقداني
لكني أكتب ما أعتمل في صدري******* وأهديك من شعري وأبث أحزاني
وأتمنى أن ترتقي لذوقكم الراقي
رد مع اقتباس
