[glow1=9966cc] استمد الشوق حيله وانتحابي&& لين صادفني طريقن كنت اهابه
لي شهر وانا مغير اكتم مصابي&& واتجمل فالوجيه ام الذرابه
لين حدتني مخاييل السحابي&& والسنين أشباح والايام غابه
شفت مامنها مصده واجتنابي&& لكن الله رحمته تسبق عذابه
يا وجودي من عناي ومن ذهابي &&وجد من خلوه ربعه للذيابه
في نهار ن هيب اللي ما يهابي&& يعتنق عج المنايا فالسحابي
منك يللي فاقدن منك صوابي&& قمت اعشقك مثل عشقي للكتابه
شف غيابك وين وداني وجابي&& بس مع الايام زودني صلابه
حس فيني يا معودني غيابي في&& وجودي وش مدى فرق التشابه
ليه أدق الباب دام الباب بابي&& يا معيشني تفاصيل الغرابه
يامعودني على صبر احتسابي &&يا معرضني شقى القيض وسرابه
الدروب طوال لكنك ذهابي&& شوف حالي كنه قوس الربابه
واعتقدت انك تعاني من عذابي&& يكسرك صوت الاحبة والغرابه
واثرك اللي مستريح ولا درابي&& ماتعرف الا تماديه وغيابه
[/glow1]
رد مع اقتباس
