[poem=font="simplified arabic,6,black,bold,normal" bkcolor="transparent" bkimage="backgrounds/35.gif" border="none,4,gray" type=1 line=0 align=center use=ex num="0,black"]
ياصاحبي وشفيك عكّرت جوّي=الطيب مايجزي تري غير بالطيب
بيّنتلك خيري ولا شفت سوّي=صارحتك ولا بالصراحه عذاريب
اجل لو انّي كاذبٍ وش تسوي=مدام كلمة صدق تشعطلك الجيب
من شعلة الاخلاص شبّيت ضوي=لكن كوتني في حشاي المشاهيب
ليتك تحلاّ بالصبر والتروي=كانك تبي تبعد عن الشك والريب
شف حبل وصلي من سببك امتطوي=بسباب بعدك ما يطول المشاريب
البعد لو يستد قلوب ويقوي=ما كان شفت ابعارضي زايد الشيب
للحزن صوت ابجوف قلبي مدوي=مكتوم من تحت الضلوع المحاديب
عقلي تلولس من كثير التلوي=فكرٍ يودّيني ولي فكرٍ ايجيب
وش ينعش العود الدقاق المذوي=لامن تعرّض للعطش واللواهيب
العرق يابس والندي ما يروّي=والجرح لايمكن بلا بلسم ايطيب
ماني بقايل ليت لولا ولوي= اطلب من الله الستر عالم الغيب
مهما قرارك للمشاعر يكوي=ماني مقصّر في جميع المواجيب[/poem]
رد مع اقتباس
المشاركة الأصلية كتبت بواسطة صلاح الشمري
