هذه مصافحة اولى من أخوكم : محمد بن حدري الاسلمي الشمري
اتمنى ان ترقى لذائقتكم
اترككم مع النص
.
.
[poem=font=",5,black,bold,normal" bkcolor="transparent" bkimage="http://www.g111g.com/vb/mwaextraedit2/backgrounds/196.gif" border="inset,4," type=1 line=0 align=center use=ex num="0,black""]
يالله لطفهـا عليـنـا بتلطـيـف=انت الذي ترحم عبيـدك يارحمـن
امدح هلي بالشعر واحلا التواصيف=ولعزوتي ياقف قصيـدي والاوزان
حنا هل الضيفـان ذباحـة العيـف=فينا الحميـه يـوم نادو(نبيجـان)
اهل الدلال مسطره تطرب الكيـف=وجيه سفره للنشامـى ..وضيـان
اهل الفعول الماضية نكرم الضيـف=اهل الصياني بين حيـلٍ وقعـدان
يشهد لنا الميدان بالرمح والسيـف=يوم انها كانت مغـازي وفرسـان
الطيـب لازمنـا و لا بـه تكاليـف=فريسنا حدري وشطـي وهوشـان
ياكم زبن حدري ضعوف وملاهيف=وكم اصلح خلافٍ وقع بين الاخوان
له ردة ٍ بالخيـل قـوه وتعسيـف=سويد وحمير هل الخيـل شجعـان
وخريم ابن بردي خذاها من السيف=سهيل..ومبيرد..شليوط..م� �يـران
خوال شيخ ٍ مايبـي أي تعريـف=نعمٍ لأبو وطفى خلايـف كحيـلان
تاريخنا يشهد ومن دون تحريـف=ضنا قدير الصيرمي طير حـوران
متوارثين الطيب من غير تزييـف=الطيب نسعى له وندفع به اثمـان
حنا هل الفزعات ناتـي مراديـف=نكسر يدين المعتدي وكـل خـوان
حق أتباهى دون كبـرٍ وتجريـف=الشمري مرفوع راسـه وطنيـان
لو ماأذكر نبيجان رددت..ياحيـف=تاريخهم واضح وللمجـد برهـان
اهل الكرم والجود ذباحـة العيـف=ابقى مقصر لو مدحـت النبيجـان
[/poem]
ولاتهون باقي القبائل
رد مع اقتباس
المشاركة الأصلية كتبت بواسطة سامي العطاوي
