[poem=font=",5,black,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
على اتصالي ما حصل مني قصور=كم مرتن دقيت مالقى الأجابه
يرن جواله يمشيني الدور=مرات خراج تغطية من ردابه
ومرات حولني على الخط محظور=ومرات يقول ان الشبكات مابه
الزر الأخضر في يدي صار محفور=من كثر ما دقيت حضرة جنابه
لي العذر لو قلت ماني بمعذور=وشلون تبغاني اجل طق بابه
لا والله ان يبطي وباقول مشكور=مادام رقمي يتصل ما درابه
ماني على طرد المقفين مجبور=كرامتي اكبر علي من ذهابه
لاصرت انا طيب والاحوال مستور=اكبر غنيمه ما بعدها طلابه
خله يذوق الغبن ويموت مقهور=ويضيق لا ضاقت عليه الرحابه
ياصاحبي يارعي العرف والشور=يمرحبا وعداد فتاح بابه
اقلط على اللي حزة عصير منحور=وسوالفن وشعار تجلى الكآبه
في مجلسن قلو سواياه وحظور=وخل راعي الجوال يلبس نقابه
لا لا تعذرله ترى ذاك مغرور=واشكال مثله فالخلايق تشابه
ارفع مقامك ياصحيبي عن العور =الاعور اعور لو طريقه قدابه
[/poem]
رد مع اقتباس
