[poem=font="simplified arabic,6,white,bold,normal" bkcolor="transparent" bkimage="backgrounds/38.gif" border="none,4,gray" type=1 line=0 align=center use=ex num="0,black"]
بين نور الثريّا ونور القمر=اظلم الليل وانشق نجم الجدي
والعنا قام يارد لبير الصدر= ورد حجّاج مكه علي المسجدي
مؤمنٍ ماتطوفه صلاة الفجر=وسط قلبي يكبّر وبه يسجدي
لين عزمي تبعثر وشت الفكر=كل ما قلت خلّصت ارد ابتدي
شلتلي حمل كايد يقص الظهر=والبلا ماني ابعارفٍ مقصدي
الهواجيس قامت تدق الوتر=هيّضت بالحشاء كل عرقٍ ندي
كوّنت غيمةٍ لو تهل المطر=كل وادي من السيل مايركدي
كل دمعه علي خاطري تنكسر=ينهمر مع صبابات ماه ابردي
آترجّا ولالي ياكود الصبر=مابقالي سوى قفش في مجندي
الامل درّةٍ تحت قاع البحر=والعمر مابقى من لياله فدي
كل ما غمّض العين ينبت زهر=مير يذبل ليا قمت من مرقدي
عزّة النفس نار وشرار وجمر=لا تهيّضت بالجوف تتوقدي
عيّة النفس لا تلتمسلي عذر=كل ما اطيح للظهر ما تسندي
عجز بيتٍ كسر صدر ماينجبر=قعّد احساس ما كنت عنه انشدي
يا خفايا الزمن وش بقا ما ظهر=في قيود القهر صرت متقيّدي
ان نظرت الثريا يغيب القمر=وان نظرت القمر غاب نجم الجدي[/poem]
رد مع اقتباس
