السلام عليكم ورحمة الله وبركاته.....
هذي القصيدة للتواصل:
[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
ياوجودي كل مانابني يومن جديد=وكل ماشمس الضحى بيّنت بطلوعها
وجد مظلوم ورا سجن قضبانن حديد=يحتري ساعة خروجه تحن شفوعها
من غزالن سم حالي وخلاني وحيد=طفلتن تو مادرت كوعها من بوعها
دلعتني لين سمتني الخل الفريد=وجرحتني بالهجر وتركت دلّوعها
طولت يالله عسى خير يارب العبيد=وأشحنت قلب العنا عقب مابطى رجوعها
أزرعتني بهجرها وتركتني للحصيد=وما لقيت ألا همومي ثمر مزروعها
حدني شوقي عليها وأنا ما كنت أريد=دايمن أضما لها ودوم شوقي يجوعها
أخلفت في وعدها والهجر نارن تزيد=وماأعتقد أن الخيانة تجي فـ طبوعها
يمكن ألهتها المشاغل وخلّتها بعيد=ويمكن الغيبة؟؟ حدوها بعاد ربوعها
أذكر أيام التلاقي وأرددها وأعيد=يوم جتني بالرجاوي تهل دموعها
أذبحتني بالرجاوي: سيف عني لا تحيد=ماقوت دوني تقضي ثوان أسبوعها
غالية عندي مدد ساكنه وسط الوريد=أنكسر قلبي حزن يوم شاف خضوعها
جعلها بالعافية وجعلها عمرن مديد=وجعلها ما تنقطع وياعسى ماروعها
وياوجودي كل مانابني فجرن جديد=وجد عودن ضاعت أبله فريدن نوعها
وجد من هو تايهن في خلا أرضن بعيد=يحتري لنفسه عساها ترد لربوعها[/poem]
وسلامتكم ورضاكم.....................................( (المعنّى))
رد مع اقتباس
-new.gif)
