..
[poem=font="simplified arabic,5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياعيد لك فالناس فرحه بلا قياس=جعلك على الأمه عيادٍ سعيدي
الناس تلبس لك جديدات اللباس=وتجمعهم البهجه قريب وبعيدي
وتمر لحظاتك بها ولف وإحساس=إن كان ماعبرت عبر قصيدي
تراك عيد اللي سلم طقة الرأس=وألا أنا ياعيد ما أنته بعيدي
عيدي شربت المر كاسٍ ورى كاس=أكيد من مثلي عياده نكيدي
الباس ما فالناس سالم من الباس=مير البلا يابوي دونك حديدي
وأبواب مقفوله وعسكر وحراس=ومشاكلٍ قامت علينا تزيدي
مسجون وسط السجن وأنا مع الناس=لكن كن الله خلقني وحيدي
ماعاد ألي في جملة الناس مجلاس=الله يدبر مايشاه ويريدي
ألي مع الوسواس جلسه ومرواس=وفي غيبتك يابوي شفت الزهيدي
وإن كنت أنا البنيان فأنته كما الساس=وإن كنت مثل البنك فا أنت الرصيدي
ياعيد مابه علم والعلم محتاس=مايجهل الأوضاع غير البليدي
تراك عيد اللي سلم طقة الراس=وألا أنا ياعيد ما أنته بعيدي[/poem]
رد مع اقتباس
