[poem=font="Simplified Arabic,6,black,bold,normal" bkcolor="transparent" bkimage="http://www.sfsaleh.com/vb/images/toolbox/backgrounds/18.gif" border="none,6,crimson" type=2 line=0 align=center use=ex num="0,black"]
هاجسي وان كان يمديك هات ومدني =
القصايد له مواعيـد مـع موعودهـا
لي ثلاث شهور يالشعرشـيٍ ردنـي =
والعرب قالت ترى الجود من موجودها
جيتلك من ضيقة البال واللي حدنـي =
امر يقهر رغبة النفس عن مقصودهـا
شيلني ياطاري الشعر عنهـم ودنـي =
عن سوالف مالها طعم نقـصٍ زودهـا
مابنيتك يابن الاجواد لاجـل تهدنـي=
ولاكسبت بسجة الرجل غيـر لهودهـا
الزمان يشدني شـد وانـت تشدنـي =
الذخيره ثـوّره شـي مـن بارودهـا
الديون اكثر من البذل ولاحدن سدني =
والمعرفـه ام ثكـلا قتـل مولودهـا
وانت ياللي ساكن هناك ظرفي صدني =
لاتنشّدني عن اشيا حفظـت سدودهـا
الاجابـه عاقبتهـا سهـوم تضدنـي =
والحقيقه تنتظر دوم صـوت شهودهـا
عدني ضيفك من اليـوم والا عدنـي =
واحدٍ يرقب من البعد صوت رعودهـا
المسافه تقطع القلب وطولـه كدنـي =
والصحاري كلها جرد يابـس عودهـا
بين حظي والمشاريه وقتـي مدنـي=
اتقرب واثـر الانـذال هـذا فودهـا
النوايا تدفع القلب ولاحـدن ردنـي =
ماانتبهت الا وانا هناك خلف حدودهـا
السعاده شي ملموس وانـت تودنـي =
والقصايد ماتربّحـت مـن مردودهـا
اشعله من شان الايـام يـوم تعدنـي =
شاعرن صحى القصايد بوقت رقودهـا
يوم نادى هاجسه قال وينـك مدنـي =
قال انا موجود والجود من موجودهـا
[/poem]