السلااااااام عليكم ورحمة الله وبركاتة
يطيح جفن الليل*واهز كتفة
يفز شمع وباقي الليل يطفي
واحاكي الجدران عن حلم غرفة
ماتشبه الجدران*ويطول وصفي
وتملني الجدران*واظهر لشرفة
تحت السما*واسكر الباب خلفي
ليت الشواارع تجمع اثنين صدفة
لا صار شباك المواعيد مجفي
وليت الروابي تشرب دموع وطفة
ويصب لمع بروقها وسط طرفي
ياطاري الغدران والعمر رشفة
مع قلها*ياليتها اليوم تصفي
الصبر واجد* مير الاقدار صلفة
والارض واجد لكن العزم منفي
اللي اعرفة رااح مانيب اعرفة
ولا اظن يذكرني اليا اقبلت مقفي
ماهو حبيبي مورد القلب حتفة
ولاهو حبيبي يفرح بوقت ضعفي
تهب ريح وتسكن العظم رجفة
وتغيب ريح وتسكن اغصان نزفي
مر ثمر هاالليل*وامر قطفة
ذفتة قبل يلمس شفاهي بكفي
هذا وتو الليل ماراح نصفة
يالليل بعض اللي مضى منك يكفي
وسلااااااااااكتكم يالربع :برافو برافو:
تحياااااااااااااتي بنت القحاطين